Պատերազմի ադրբեջանցի հաշմանդամները բողոքում են իշխանությունների դեմ` այրելով պրոթեզները (վիդեո)

 11 ապրիլի 2016 - 16:45 AMT

PanARMENIAN.Net - 1991-1994թթ. ղարաբաղյան պատերազմի ադրբեջանցի հաշմանդամներն այրել են իրենց պրոթեզները որպես բողոքի նշան Ադրբեջանի իշխանությունների ճնշման դեմ: Այդ մասին ապրիլի 11-ին հայտնում է «Ազատություն» ռադիոկայանի ադրբեջանական ծառայությունը: Բողոքի ակցիան տեղի է ունեցել ապրիլի 8-ին` Վրաստանի հետ մաքսային անցակետում: Վետերանները բողոքել են հարևան երկրից միրգ ու բանջարեղեն ներմուծելու իշխանությունների արգելքի դեմ, գրում է Lenta.ru-ն:

Ապրիլի լույս 2-ի գիշերից ապրիլի 5-ը ղարաբաղա-ադրբեջանական շփման գծում շարունակվող մարտերում ՊԲ ստորաբաժանումները, ըստ ԼՂՀ ՊՆ տվյալների, ոչնչացրել են հայկական դիրքերի ուղղությամբ գրոհող թշնամական 2 ուղղաթիռ, ինչպես նաև 26 տանկ, 4 ՀՄՄ, 1 «Գրադ», ինժեներական 1 մեքենա և 14 ԱԹՍ: Ադրբեջանն ընդունել է 31 զինծառայողի զոհվելու, ինչպես նաև 1 տանկի ու 1 ուղղաթիռի ոչնչացման փաստը և չի հայտնել ոչ մի վիրավորի մասին՝ այն դեպքում, երբ միայն հայկական կողմի հրապարակած ֆոտո- և տեսանյութերում առկա են մի քանի տասնյակ դիակներ, 1 ուղղաթիռ և 3 ԱԹՍ: Ադրբեջանական ընդդիմադիր ԶԼՄ-ները, սակայն, հրապարակել են 93 հոգու զոհվելու, 33 վիրավորի, ևս 6 անհետ կորածի փաստը հաստատող տեղեկություններ: Ստեփանակերտի գնահատականով, Ադրբեջանի ընդհանուր կորուստները գերազանցում են 300-ը:

Հայկական կողմն ունի 64 զոհ, 122 զինծառայող վիրավորվել է:

Ընթերցեք նաև. ԼՂՀ-ն 13 դիակ է հանձնել Ադրբեջանին` թույլ տալով նաև հավաքել դիրքերի դիմաց ընկած տասնյակ դիերը