ԱԳՆ խոսնակ. Ալիևի խոսքերը նույնիսկ Ադրբեջանում են ծաղրում

ԱԳՆ խոսնակ. Ալիևի խոսքերը նույնիսկ Ադրբեջանում են ծաղրում

PanARMENIAN.Net - Ադրբեջանի նախագահի «ադրբեջանցիների պատմական հողեր Երևանն ու Զանգեզուրը հետ բերելու» մասին հայտարարությունները ծաղրանքով են ընդունվում նույնիսկ Ադրբեջանում: PanARMENIAN.Net ին այս մասին ասաց ՀՀ ԱԳՆ մամուլի քարտուղար Տիգրան Բալայանը:

«Նույնիսկ Ադրբեջանում լուրջ չեն վերաբերվում Ալիևի այդ խոսքերին: Եթե հետևենք հատկապես երկրի երիտասարդության արձագանքին, ապա կտեսնենք, որ ուղղակի ծաղրում են, ասում են՝ «Ղարաբաղի խնդիրը չի կարողանում լուծել, Երևանից և Զանգեզուրից է խոսում»», - ասաց Բալայանը:

Նա հավելեց, որ ընդամնեը 100 տարի առաջ աշխարհրի քաղաքական քարտեզի վրա հայտնված Ադրբեջանի տարածքային նկրտումները Հայաստանի նկատմամբ նորություն չեն. Բաքվի ռեժիմի տարբեր ներկայացուցիչներ բազմիցս են հնչեցրել նման հայտարարություններ:

«Ալիևի ելույթը «Ենի Ադրբեջան» կուսակցության համագումարին ընդամենը արտաքին քաղաքական ձախողումները և ներքին սոցիալական խնդիրները կոծկելու միջոց էր»,- եզրափակեց խոսնակը:

Ադրբեջանի նախագահ Իլհամ Ալիևը հերթական անգամ սպառնալից ելույթ է ունեցել, այս անգամ «Ենի Ադրբեջան» կուսակցության համագումարում, որտեղ հայտարարել է, թե «Երևանն ու Զանգեզուրն ադրբեջանցիների պատմական հողերն են»: Դիմելով ադրբեջանցի երիտասարդներին՝ նա ասել է, թե «չի կարելի մոռանալ պատմական հողերի մասին»:

«Դա պետք է դառնա մեր ապագա գործունեության ուղղությունը, ինչպես և այժմ, մենք աշխատում ենք այդ ուղղությամբ: Մեր պատմական հողերն են Երևանի խանությունն ու Զանգեզուր-Գյոյչան»,-ասել է նա:

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---