// IP Marketing video - START// IP Marketing video - END

Սերժ Թանկյանը շնորհակալություն է հայտնել Նիդերլանդներին Ցեղասպանությունը ճանաչելու համար

Սերժ Թանկյանը շնորհակալություն է հայտնել Նիդերլանդներին Ցեղասպանությունը ճանաչելու համար

PanARMENIAN.Net - System of A Down հանրահայտ ռոք խմբի մեներգիչ և երգերի հեղինակ Սերժ Թանկյանը շնորհակալություն է հայտնել Նիդերլանդներին Հայոց ցեղասպանությունը ճանաչելու համար: Այդ մասին Թասնկյանը գրել է իր ֆեյսբուքյան էջում:

«Շնորհակալ եմ Նիդերլանդների խորհրդարանին և մեր բոլոր բարեկամներին Նիդերլանդներում դրա համար: Ճշմարտությունը միշտ պետք է հաղթի անկախ աշխարհաքաղաքական պահանջներից և իրական քաղաքականությունից»,-գրել է Թանկյանը:

Ըստ նրա, դա ոչ միայն պատմական շտկում է, այլ նաև այն բանի վկայությունը, որ աշխարհը գնալով ավելի է հոգնում Թուրքիայի նախագահ Ռեջեփ Թայիփ Էրդողանից և նրա կողմնակիցներից:

Նիդերլանդների խորհրդարանն ընդունել է Հայոց ցեղասպանության վերաբերյալ երկու բանաձև: Դրանք համահեղինակել է «Քրիստոնեական միության» պատգամավոր Ջոել Ուորդեվինդը։ Բանաձևերն ընդունվել են ձայների բացարձակ մեծամասնությամբ:

Առաջին բանաձևը ճանաչում է Հայոց ցեղասպանության իրականացման փաստը։ Երկրորդում նշվում է, որ Նիդերլանդների որևէ նախարար կամ պետքարտուղարը պետք է ներկա գտնվի Երևանում ցեղասպանության զոհերի հիշատակի միջոցառումներին ապրիլին։

Ընթերցեք նաև.Թուրքիայի ԱԳՆ-ն քննադատել է Նիդերլանդների խորհրդարանի՝ Ցեղասպանության մասին բանաձևերի ընդունումը

 Ուշագրավ
Հայկական կողմը վստահեցնում է, որ շարունակելու է վճռականորեն աշխատել խաղաղության հաստատման ուղղությամբ
Հայաստանը 0.755 ցուցանիշով զբաղեցնում է 83-րդ տեղը՝ կիսելով այն Թաիլանդի հետ
«Նոր բացված Երևանյան անկյունը կարող է Հայաստան այցելելու, հնարավոր է նաև՝ նոր գործարար կապեր ստեղծելու առիթ դառնալ»,- նշել է Բիզնես Արմենիայի Միջազգային համագործակցության կառավարիչը
Ըստ թերթի, «Ռոբերտ Քոչարյանն այն սակավաթիվ մարդկանցից է, ում Վլադիմիր Պուտինն իր ընկերն է համարում, որոնց թվում են նաև Բեռլուսկոնին և Շրյոդերը»