ՀՀ ու Վրաստանի միջև անլուծելի հարց չկա. Կառուցվելիք նոր կամուրջը կանվանվի «Բարեկամության» կամուրջ12 դեկտեմբերի 2014 - 18:25 AMT PanARMENIAN.Net - Վրաստան կատարած պաշտոնական այցի երկրորդ օրը` դեկտեմբերի 12-ին, Վրաստանի նախագահի նստավայրում կայացել է Հայաստանի վարչապետ Հովիկ Աբրահամյանի և Վրաստանի նախագահ Գիորգի Մարգվելաշվիլիի առանձնազրույցը: ՀՀ կառավարությունից հայտնում են, որ Հայաստանի վարչապետը և Վրաստանի նախագահը գոհունակություն են հայտնել երկկողմ քաղաքական երկխոսության բարձր մակարդակից և ընդգծել, որ պետք է ջանքեր գործադրել առևտրատնտեսական գործակցությունը ևս այդ մակարդակին հասցնելու ուղղությամբ: Կողմերը հույս են հայտնել, որ ձեռք բերված պայմանավորվածություններն կշարունակեն կյանքի կոչվել` ի շահ երկու երկրի և ժողովուրդի: Հանդիպմանը քննարկվել են նաև ինտեգրացիոն գործընթացներին երկու երկրի մասնակցությանը և տարածաշրջանային զարգացումներին վերաբերող հարցեր: ՀՀ վարչապետը Վրաստանի նախագահին է փոխանցել նախագահ Սերժ Սարգսյանի հրավերը` ներկա գտնվելու 2015-ի ապրիլի 24-ին Երևանում կայանալիք Հայոց ցեղասպանության զոհերի հիշատակի ոգեկոչման արարողությանը: Հովիկ Աբրահամյանի և Գիորգի Մարգվելաշվիլիի առանձնազրույցից հետո Վրաստանի նախագահի նստավայրում տեղի է ունեցել աշխատանքային ճաշ՝ կառավարական պատվիրակության անդամների մասնակցությամբ: Քննարկվել է տրանսպորտային հաղորդակցության, էներգետիկայի, զբոսաշրջության և մի շարք այլ ոլորտներում իրականացվող ծրագրերի ընթացքը, կարևորվել այդ ուղղություններով գործակցության ընդլայնումը: ՀՀ վարչապետի այցի ավարտին նախաստորագրվել է համաձայնագիր «ՀՀ-ի և Վրաստանի կառավարությունների միջև ՀՀ-ի և Վրաստանի պետական սահմանի Սադախլո-Բագրատաշեն անցման կետի տարածքում Դեբեդ գետի վրա նոր կամրջի կառուցման վերաբերյալ»: Փաստաթուղթը ստորագրել են Հայաստանի կառավարության անունից՝ Հովիկ Աբրահամյանը, Վրաստանի կառավարության անունից՝ Իրակլի Ղարիբաշվիլին: Երկու երկրների վարչապետներն ստորագրել են նաև արձանագրություն՝ պայմանավորվածություն ձեռք բերելով մինչև 2015-ը վերոնշյալ համաձայնագիրը ստորագրել և Հայաստանի ու Վրաստանի միջև կառուցվելիք նոր կամուրջը կանվանվի «Բարեկամության» կամուրջ: Հովիկ Աբրահամյանը և Իրակլի Ղարիբաշվիլին ևս մեկ անգամ կարևորել են Հայաստանի և Վրաստանի միջև տարբեր ուղղություններով գործակցության խորացումը և ընդգծել, որ հայ-վրացական հարաբերություններում չկա որևէ հարց, որը հնարավոր չէ համատեղ քննարկել և փորձել լուծել: «Բարեկամության կամուրջի» կառուցման մասին պայմանավորվածությունը ձեռք է բերվել հունիսի 18-ին ՀՀ նախագահի Վրաստան կատարած պաշտոնական այցի շրջանակում: Օգոստոսի 22-ին Սերժ Սարգսյանն ու պաշտոնական այցով Հայաստանում գտնվող Վրաստանի վարչապետ Իրակլի Ղարիբաշվիլին վերահաստատել են կամրջի շինարարությունն արագացնելու հանձնառությունը: Այսօր ավելի վաղ Հովիկ Աբրահամյանի գլխավորությամբ կառավարական պատվիրակության անդամներն այցելել են Թբիլիսիի «Հերոսների» հրապարակ և ծաղկեպսակ դրել հուշակոթողին: ՀՀ կառավարության ղեկավարը եղել է նաև Հավլաբար թաղամասում՝ hայ գրողների և հասարակական գործիչների Խոջիվանքի պանթեոնում, ծանոթացել բարեկարգման աշխատանքներին և հարգանքի տուրք մատուցել հայ մեծերի հիշատակին: Կարդացեք նաև`ՀՀ և Վրաստանի վարչապետներն անդրադարձել են տնտեսական, տրանսպորտային և ինտեգրացիոն հարցերին Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |