Մերկելը քննադատության թիրախում է Էրդողանի մեղադրանքներին մեղմ արձագանքելու համար 9 հունիսի 2016 - 17:24 AMT PanARMENIAN.Net - Գերմանիայի կանցլեր Անգելա Մերկելին մեղադրել են թուրքական իշխանությունների հնչեցրած մեղադրանքներին ու բանավոր հարձակումներին մեղմ արձագանքելու համար, հայտնում է Tert.am-ը բրիտանական Express-ի վրա հղումով: Երկու դաշնակիցների միջև լուրջ վեճից հետո Մերկելը ստիպված է պայքարել Եվրոպային ներգաղթային ճգնաժամից փրկող Թուրքիայի հետ համաձայնագիրը երաշխավորելու համար: Լրատվամիջոցը հիշեցնում է, որ նախագահ Ռեջեփ Թայիփ Էրդողանը քննադատության է ենթարկել կանցլերին այն բանից հետո, երբ գերմանացի օրենսդիրները քվեարկել են Հայոց ցեղասպանությունը ճանաչող բանաձևի օգտին, իսկ թուրքական ծագմամբ գերմանացի խորհրդարանականները մահվան սպառնալիքներ են ստացել քվեարկությունից հետո: Ավելի վաղ Էրդողանը հայտարարել էր, որ ազգությամբ թուրք գերմանացի պատգամավորները, որոնք քվեարկել են Հայոց ցեղասպանությունը ճանաչող բանաձևի օգտին, պետք է արյան հետազոտություն անցնեն, քանի որ նրանց ծագումը կասկածելի է: Մերկելը Թուրքիայի հայտարարություններն «անհասկանալի է» մեկնաբանել և պաշտպանել պատգամավորներին՝ ասելով, որ նրանք «ազատ ընտրված խորհրդարանականներ են»: Նրա մեկնաբանությունները լուրջ քննադատության են արժանացել գերմանացի խորհրդարանականների կողմից, ովքեր նրան մեղադրել են Թուրքիայի հայտարարությունները հանդիմանելուն ուղղված բավականաչափ քայլեր չձեռնարկելու համար: Գերմանիայի խորհրդարանի փոխնախագահ Կլաուդիա Ռոթն ասել է. «Կանցլերը պետք է Էրդողանի նկատմամբ հստակ դիրքորոշում ընդունի: Մենք չենք կարող նրան թույլ տալ այդպես հեշտ անցկացնել դա»: Սոցիալ- դեմոկրատների առաջնորդ Թոմաս Օպերմանը նույնպես Մերկելին մեղադրել է իր դիրքորոշումը հստակ չներկայացնելու համար: Նրա խոսքով՝ Մերկելը պետք է հստակ ցույց տա, որ նա գերմանացի խորհրդարանականների դեմ այդ հետապնդումներն «անընդունելի է համարում»: Լրատվամիջոցը նշում է, որ Մերկելը լուրջ քննադատության թիրախում է հայտնվել ներգաղթային ճգնաժամից հետո, իսկ նրա կառավարությունում իրավիճակը «40 տարվա ընթացքում կուսակցության ամենավատ ներքին ճգնաժամն» է համարվում: Ավելի վաղ հայտնի դարձավ, որ Բունդեսթագի նախագահ Նորբերտ Լամերտը խորհրդարանի հունիսի 9-ի առավոտյան նիստը սկսել է Թուրքիայի նախագահ էրդողանի հասցեին խիստ հայտարարությունից: Հունիսի 2-ին Գերմանիայի խորհրդարանն ընդունել է Հայոց ցեղասպանությունը ճանաչող բանաձև, որին աջակցել է պատգամավորների մեծամասնությունը, դեմ է արտահայտվել միայն մեկը, ևս մեկն էլ ձեռնպահ է մնացել: Գերմանիայի խորհրդարանում թուրքական արմատներ ունեցող պատգամավորներից երկուսը՝ Գյուլիսթան Յուքսելն ու Մահմութ Օզդեմիրը, քվեարկությանը չեն մասնակցել: Թուրքական արմատներով պատգամավորներից առնվազն 7-ը կողմ են քվեարկել բանաձևին։ Բանաձևին դրական է արձագանքել նաև Գերմանիայի կառավարության կազմում միակ թուրք նախարար, բանաձևի նախաձեռնող Այդան Օզողուզը: Ընթերցեք նաև. Բունդեսթագի նախագահ. Խորհրդարանը համարժեք կարձագանքի էրդողանի սպառնալիքներին Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Վարչապետ․Եթե Տավուշում տների հետ կապված խնդիր լինի, պետությունը տեր կկանգնի՝ նոր տներ կկառուցի Վարչապետի խոսքով՝ խնդիրները, որ տեղ-տեղ ծագում են հայկական կողմի համար, հնարավոր է, որ ծագեն նաև Ադրբեջանի համար Փաշինյան․ Ռուսական հենակետերը դուրս կբերվեն Տավուշից Խոսելով հայ սահմանապահների տեղակայման ժամկետների մասին` նա շեշտել է, որ այդ գործընթացը պետք է հնարավորինս արագ անել Վարչապետ․ Որոշումը նվազեցնելու է անվտանգային ռիսկը Բաղանիս-Կիրանց-Ոսկեպար հատվածում և ՀՀ սահմանի ամբողջ երկայնքով Նա ընդգծել, որ իհարկե, սա ձեռքբերում է Ադրբեջանի համար, բայց սա նաև էական ձեռքբերում է նաև ՀՀ համար Բագրատ սրբազան. Այս գործընթացը պետք է կասեցվի Նա հավելել է, որ Տավուշի մարզը պետք է ամրոց դարձնել |