ՈւԵՖԱ-ն թույլ չի տվել ռուս ֆուտբոլիստներին խաղալ սև թևկապերով` ի հիշատակ Կարելիայի զոհերի

ՈւԵՖԱ-ն թույլ չի տվել ռուս ֆուտբոլիստներին խաղալ սև թևկապերով` ի հիշատակ Կարելիայի զոհերի

PanARMENIAN.Net - ՈւԵՖԱ-ն թույլ չի տվել Ռուսաստանի հավաքականին խաղալ սև թևկապերով` ի հիշատակ Կարելիայի զոհերի: ՈւԵՖԱ-ն չի համաձայնեցրել ռուս ֆուտբոլիստների մասնակցությունը Ուելսի հետ խաղին սև թևկապերով, հայտնում է «Մատչ ՏՎ-ն»:

Ավելի վաղ հավաքականի ավագ Վասիլի Բերեզուցկին հայտարարել է, որ Կարելիայում տեղի ունեցած ողբերգությունից հետո թիմը մտադիր է խաղադաշտ դուրս գալ սև թևկապերով: «Ռուսաստանի հավաքականը հստակ մտադրված է թևկապերով խաղալ»,-ասել է Բերեզուցկին:

Ռուսաստան-Ուելս հանդիպումը սկսվում է Երևանի ժամանակով 23:00-ին:

Կարելիայի «Պարկ-օտել Սյամօզերո» ճամբարում հանգստացող մի խումբ երեխաներ մահացել են լճի վրա էքսկուրսիայի ժամանակ: Նավակները փոթորկի պատճառով շրջվել են և սուզվել: ՌԴ մարդու իրավունքների գծով լիազոր Պավել Աստախովը Twitter-ում հայտնել էր, որ վերջին տվյալներով 15 երեխա է զոհվել: Ընդհանուր առմամբ 3 նավակում 47 երեխա է եղել և 4 մեծահասակ` հրահանգիչներ ճամբարից: Փրկվել է 36 մարդ, որից 25-ն այժմ կղզու վրա է, 11-ը` Կուդոմա գյուղում: Ավելի վաղ հայտնի դարձավ, որ անհետ կորած ևս մեկ մարդ է ողջ հայտնաբերվել Կուդոմայում:

Ընթերցեք նաև. Կարելիայում ողբերգությունը 15 երեխայի կյանք է խլել. Նախագահը ցավակցել է Պուտինին

 Ուշագրավ
Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը
Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը
Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը
---