Սերժ Սարգսյան. Ներողություն եմ խնդրում լրագրողներից հուլիսի լույս 30-ի դեպքերի համար

Սերժ Սարգսյան. Ներողություն եմ խնդրում լրագրողներից հուլիսի լույս 30-ի դեպքերի համար

PanARMENIAN.Net - ՀՀ նախագահ Սերժ Սարգսյանը ներողություն է խնդրել լրագրողական հանրությունից հուլիսի 29 լույս 30-ին Սարի թաղում ու Խորենացի փողոցում ցույցերը ցրելու ժամանակ լրագրողների հանդեպ բռնության համար:

«Ես շնորհակալ եմ մեր լրագրողներին իրենց անմնացորդ աշխատանքի համար և անարյուն հանգուցալուծմանը նպաստելու համար: Ես նաև ներողություն եմ խնդրում մեր լրագրողներից հուլիսի 29-ի՝ լույս 30-ի գիշերվա դեպքերի համար. սա մեր ամենաէական բացթողումն էր այս օրերի ընթացքում: Բոլոր հետևություններն, անշուշտ, արվելու են», - ասել է նա:

«Ձեր ներողամտությունը հայցելով՝ միայն լրագրողներին, բայց ոչ իրավապահներին, խնդրում եմ մոռանալ այդ դեպքերի մասին, քանի որ իրոք վստահ եմ, որ այլևս նման բան չի կրկնվելու, և նաև ուզում եմ, որ այդ դեպքերն այսուհետ անգամ ենթագիտակցական որևէ ազդեցություն չունենան ձեր ազատ գործելաոճի վրա», - նշել է Սերժ Սարգսյանը:

Հուլիսի լույս 30-ին Սարի թաղում իրադարձություների ընթացքում տասնյակից ավել լրագրողներ են տուժել: Բացի ցույցի ընթացքում հատուկ միջոցների կիրառումից ստացված այլ ներկաների հետ մեկտեղ այրվածքներից ու գազի ազդեցությունից, լրագրողները թիրախավորված ծեծի են ենթարկվել ոստիկանների ու քաղաքացիականով անձանց կողմից, կոտրվել են տեսախցիկներ: Օգոստոսի 1-ի դրությամբ 2 լրագրող դեռևս մնում է հիվանդանոցներում:

Կարդացեք նաև. Նախագահ. Ահաբեկչությունը խրախուսելը մահացու մեղք է

Սարգսյան. «Կրկնում եմ՝ ԼՀ հարցում միակողմանի զիջումներ չեն լինելու, բացառվում է»

Սերժ Սարգսյան. Մեր նպատակը ազգային համաձայնության իշխանություն ձևավորելն է

 Ուշագրավ
Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները
Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար
Ամփոփվել են միասնական քննությունների առաջին փուլի արդյունքները
Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին
---