Շտայնմայեր. Քրդամետ պատգամավորների ձերբակալությունը վկայում է Թուրքիայում վիճակի վատթարացման մասին 4 նոյեմբերի 2016 - 17:07 AMT PanARMENIAN.Net - Թուրքիայում քրդամետ Ժողովրդների դեմոկրատական կուսակցության անդամ խորհրդարանի պատգամավորների ձերբակալությունից հետո ԳԴՀ արտգործնախարար Ֆրանկ Վալտեր Շտայնմայերը ԱԳՆ է կանչել Գերմանիայում Թուրքիայի գործերի հավատարմատարին: «Գիշերը տեղի ունեցած քրդամետ պատգամավորների ձերբակալությունը, նախարարի կարծիքով, վկայում է Թուրքիայում վիճակի կտրուկ վատթարացման մասին»,-ասվում է Գերմանիայի ԱԳՆ հայտարարության մեջ, գրում է Deutsche Welle-ն: «Ոչ ոք չի վիճարկում ահաբեկչության սպառնալիքի դեմ պայքարելու և հեղաշրջման փորձի հետևանքների վերացման բոլոր իրավական մեթոդները կիրառելու Թուրքիայի իրավունքը: Սակայն, դա չպետք է արդարացում լինի քաղաքական ընդդիմության բերանը փակելու և նույնիսկ բանտ նետելու համար»,-ասվում է փաստաթղթում: Գերմանիայի ԱԳՆ հայտարարության մեջ ասվում է, որ Գերմանիան, «հաշվի առնելով խորը պատմական հարաբերությունները Թուրքիայի հետ», չի կարող լռել` Թուրքիայի կառավարությունն անհապաղ պետք է իրազեկվի Գերմանիայի պաշտոնական դիրքորոշման մասին: Նոյեմբերի լույս 4 գիշերը Թուրքիայում ձերբակալվել է քրդամետ կուսակցության 16 անդամ, այդ թվում կուսակցության համանախագահներ Սելահադդին Դեմիրթաշն ու Ֆիգեն Յուկսեդաղը: Ձերբակալությունները տեղի են ունեցել միաժամանակ Թուրքիայի մի քանի քաղաքներում, մասնավորապես, Անկարայում, Դիարբեքիրում, Մարդինում: Պատգամավորները ձերբակալվել են այն պատճառաբանությամբ, որ չեն ներկայացել դատարան ցուցմունքներ տալու համար: Ընթերցեք նաև. Թուրքիայում ձերբակալված քրդամետ պատգամավորներից մեկն ազատ է արձակվել Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Միրզոյան. Այդ «պինգ-պոնգ դիվանագիտությամբ» արդեն հաջողվել է համաձայնության գալ բազմաթիվ հարցերի շուրջ Նա նաև զգուշավոր լավատեսություն է հայտնել առաջիկայում Ալմաթիում սպասվող բանակցությունների առումով Ֆրանսիական Անիեր-սյուռ-Սենում ոգեկոչել են Հայոց ցեղասպանության զոհերի հիշատակը Հանդիսավոր արարողություն է տեղի ունեցել Միջազգային տեխնոլոգիական հանդիպումեր՝ Fastex-ի մասնակցությամբ TOKEN2049-ը միջազգային կոնֆերանսների շարք է, որն ամեն տարի միավորում է կրիպտո էկոհամակարգի առաջատարներին Լարսը փակ է բոլոր տեսակի մեքենաների համար Փակ է դեպի Քարի լիճ տանող ճանապարհը |