Կալիֆորնիայի բնակիչները կոչ են անում քվեարկություն կազմակերպել ԱՄՆ կազմից նահանգի դուրս գալու վերաբերյալ: Այս հայտարարություններն արվել են ԱՄՆ նախագահի ընտրություններում հանրապետական Դոնալդ Թրամփի հաղթանակից հետո:

Twitter-ում տարածում է ստանում #Calexit հեշթեգը:

Օգտատերերը խոսում են այն մասին, որ ժամանակն է, որ Կալիֆորնիայի բնակիչներն իրենց սեփական պետությունն ունենան: Ոմանք կատակում են, որ ԵՄ-ում տեղ է ազատվել` չափերով շատ հարմար Կալիֆորնիայի համար:

ԱՄՆ համացանցում կտրուկ աճել են «արտագաղթել» բառի հետ կապված հարցումները, հիմնականում` Կանադա, գրում է RT-ն:

ԱՄՆ նախագահի ընտրություններում հաղթել է հանրապետական Դոնալդ Թրամփը: Դա պարզ է դարձել Վիսկոնսին նահանգում ձայների հաշվարկից հետո:Հաշվի առնելով նրա հաղթանակն այդ նահանգում, Թրամփը հավաքել է հաղթանակի համար անհրաժեշտ ավելի քան 270 քվե: ԱՄՆ նախագահի ընտրություններում հաղթած Դոնալդ Թրամփը ելույթ է ունեցել իր կողմնակիցների առջև քվեների ոչ պաշտոնական հաշվարկի ավարտին, երբ պարզ դարձավ, որ նա է հաղթել նախագահի ընտրություններում:

Ընթերցեք նաև. Թրամփի առաջին ելույթը. Ժամանակն է, որ ամերիկացիները միավորվեն և միասնական ժողովուրդ դառնան