Շարմազանով. Ընտրությունների արդյունքները տպավորիչ են, բայց կանխատեսելի15 մայիսի 2017 - 12:17 AMT PanARMENIAN.Net - ՀՀԿ խոսնակ, ԱԺ փոխնախագահ Էդուարդ Շարմազանովը դրական է գնահատել Երևանի ավագանու ընտրությունները: «Ընտրությունների արդյունքները շատ տպավորիչ են, գոհացնում են, բայց նաև կանխատեսելի են: Որովհետև մենք կանխատեսում էինք, որ մեր քաղաքապետի թեկնածուն ունի շատ բարձր վարկանիշ, թիմը շատ պրոֆեսիոնալ է, կուսակցությունը կոփված է ընտրական գործընթացներում և մենք ակնկալում էինք, մեր երևանցիների վստահության մոտ 70%-ը», -նշել է Երևանի ավագանու ընտրություններում ՀՀԿ շտաբի պետը, գրում է Panorama.am-ը: Շարմազանովը հավելել է. «Ընտրությունները ևս մեկ անգամ վերահաստատեցին, որ Հայաստանը անշեղորեն ընթանում է ժողովրդավարության ճանապարհով»: Անդրադառնալով ընտրություններին, մասնավորապես ահազանգերին ու հաղորդումներին, Շարմազանովը նշել է, որ նախորդ ընտրությունների համեմատ դրանք նշանակալի պակասել են: «Եղել է 49 հաղորդում: Եթե մենք համեմատում ենք այդ բողոքները 2013թ.-ի ընտրությունների հետ, ապա պետք է նշենք, որ այդ հաղորդումները պակասել են»,- ասել է նա: Շարմազանովի խոսքով, կարելի է արձանագրել, որ Երևանի ավագանու ընտրությունները եղել են մրցակցային, ժողովրդավարական: Կենտրոնական ընտրական հանձնաժողովն ամփոփել է Երևանի ավագանու ընտրությունների բոլոր 474 տեղամասերի տվյալները: Իշխող Հանրապետական կուսակցությունը հաղթել է` 240.036 ձայն կամ 71.25% հավաքելով: ԵԼՔ դաշինքը ստացել է 70731 ձայն կամ քվեների 21%-ը, «Երկիր Ծիրանին»՝ 26109 ձայն կամ ընտրողների քվեների 7.75%-ը: Այսպիսով, Երևանի քաղաքապետ է վերընտրվել Տարոն Մարգարյանը: Կարդացեք նաև՝ Հաղթանակ, որը չեն նշում, ցնցումներ, որոնք չեն կանխատեսի Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |