Փաշինյանը՝ ԼՂ խնդրի մասին. Գնահատում ենք՝ բանակցային վերջին փուլի արդյունքներն ընդունելի են, թե պետք է վերսկսել նորից 8 սեպտեմբերի 2018 - 23:47 AMT PanARMENIAN.Net - ՀՀ վարչապետ Նիկոլ Փաշինյանը «Զինուժին» տված հարցազրույցում հայտարարել է, որ կարևոր է գնահատել՝ արդյոք նոր կառավարության համար ընդունելի է Լեռնային Ղարաբաղի հակամարտության շուրջ բանակցությունները շարունակելը գործընթացի ամենավերջին փուլում արձանագրված արդյունքների հիման վրա, թե պետք է վերսկսել մի նոր կետից, կամ սրբագրումներ կատարել։ Նա նշել է, որ կառավարությունը ներկայումս ծանոթանում է բանակցային գործընթացի՝ նախորդներից ժառանգված իրավիճակին։ «Առաջնահերթ է արձանագրել փաստը, որ որպես ՀՀ վարչապետ լիազորված եմ բանակցել միայն Հայաստանի Հանրապետության անունից, և լիազորված չեմ բանակցել Լեռնային Ղարաբաղի Հանրապետության անունից։ Դա այն պարզ պատճառով, որ ՀՀ իշխանության ձևավորմանը Լեռնային Ղարաբաղի ժողովուրդը չի մասնակցում, նրանք ունեն իրենց սեփական ընտրական համակարգն ու պետական ներկայացուցիչները, ովքեր էլ պետք է բանակցեն Արցախի անունից։ Բայց ուզում եմ շեշտել, որ մենք չենք հրաժարվում Ղարաբաղի հարցի բանակցային գործընթացին մասնակցելուց, մենք պատրաստ ենք հնարավորինս ամենաարդյունավետ ձևով մասնակցել այդ գորընթացին»,- ասել է վարչապետը։ Նիկոլ Փաշինյանը նշել է, որ ռազմական նոր բախումը մարտահրավորներով հղի է ոչ միայն Հարավային Կովկասի, այլ նաև Եվրոպայի համար։ «Վերջերս Գերմանիայի կանցլեր Անգելա Մերկելի այցի շրջանակներում մենք հենց դա էինք քննարկում, թե ինչպիսի մեծ մարտահրավերներ կլինի Եվրոպայի համար, եթե այստեղ կրկին ռազմական բախում տեղի ունենա։ Պատերազմի անթույլատրելիության վերաբերյալ կա ըմբռնում ամբողջ առաջադեմ աշխարհում, դա կարելի է նկատել նաև Ադրբեջանում Գերմանիայի կանցլերի կատարած հայտարարություններում»,- նշել է նա։ Ընթերցեք նաև՝ «Վարչապետ. ՀՀ-ն բոլոր լծակներն ունի՝ թույլ չտալու Ադրբեջանի անդամակցությունը ՀԱՊԿ-ին»։   Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը   Ամենաընթերցվողը բաժնում |  Վերջին լուրեր Դադիվանքը վտանգված է․ Բաքուն հայտարարել է՝ քայլեր է ձեռնարկելու  Հաջիևան նաև հայտարարել է հայկական Ամարասում «դիտարկում անցկացնելու մասին»ՔՊ պատգամավորի հետ միջադեպից հետո ծեծի ենթարկված Վարդանյանը ճանաչվել է տուժող Իրականացվում է նախաքննությունԵրևանի կոնյակի գործարանը սկսել է ստորագրել խաղողի գնման պայմանագրերը Յուրաքանչյուր 1 կգ-ի դիմաց կվճարվի 140 դրամ |
