Կապանի ոսկու հանքը կարող է վերավաճառվել $75 միլիոնով օֆշորային ընկերությանը29 հոկտեմբերի 2018 - 17:27 AMT PanARMENIAN.Net - Polymetal International ընկերությունը, որը պատկանում է ռուսաստանցի ձեռներեցներ Ալեքսանդր Ներսիսին, Ալեքսանդր Մամուտին և չեխ գործարար Պյոտր Քելներին, բանակցում է Կապանի իր ոսկու հանքը՝ Kapan Mining and Processing Company-ին Chaarat Gold ընկերությանը վաճառելու մասին: Այդ մասին երկու կողմերը հայտարարել են ի պատասխան այդ թեմայով գրված Bloomberg-ի նյութին: Chaarat Gold օֆշորային ընկերությունն (գրանցված է իտալական Վիրգինյան կղզիներում) օգոստոսին հայտնել էր, որ մտադիր է բազմամետաղ հանք գնել ԱՊՀ-ում $75 միլիոնով և գործարքը կարող է ավարտին հասցվել արդեն նոյեմբերի սկզբին՝ այժմ նա հաստատել է, որ խոսքը Կապանի մասին է: Դեռևս վստահություն չկա, որ պայմանավորվածություն ձեռք կբերվի, ասել են ընկերությունում, սակայն, հենց որ դա լինի, Chaarat Gold-ը կաշխատի որքան հնարավոր է արագ կնքել համաձայնագիրը, գրում է «Կոմերսանտը»: Ֆինանսական գծով փորձագետ Օլեգ Պետրոպավլովսկին նշել է, որ Կապանի EBITDA-ն 2018-ին կկազմի 17 մլն դոլար, իսկ ակտիվի արժեքը գնահատվում է 100-120 մլն դոլար կամ Polymetal-ի կապիտալիզացիայի մոտ 3 տոկոսը: Նա հնարավոր գործարքը համարել է «ոչ նշանակալի»: Կապանը ներառում է համանուն հանքավայրը գործող հանքով, դեռևս չմշակվող Լիճքվազ հանքավայրը և հարստացնող ֆաբրիկան: Ընդհանուր պաշարները ոսկու համարժեքով կազմում են 0,7 մլն ունցիա (միջին պարունակությունը՝ 4,2 գ 1 տոննայում), ռեսուրսները՝ 1,9 մլն ունցիա (5,9 գ 1 տոննայում): 2017-ին Կապանում արտադրվել է 50.000 ունցիա ոսկու համարժեք՝ ոսկու, պղնձի և արծաթի և ցինկային խտանյութ: Զարգացման ծրագրով նախատեսվում է տարեկան 100.000 ունցիա կորզել: 2016-ին Կապանի հանքը ունեցել էր $20 մլն եկամուտ մինչև հարկումը, նշում է Financial Times-ը։ Ռուսական Polymetal PLC ընկերությունը գնել էր Կապանի ոսկու հանքը կանադական Dundee Precious Metals Inc-ի $25 միլիոնով, որից $10 միլիոնը` դրամական միջոցներով և 15 միլիոնը դոլար` ընկերության նոր բաժնետոմսերով: Գործարքը ավարտին է հասցնել 2016-ի երկրորդ եռամսյակում: Ավելի վաղ Կապանի լեռնահարստացման կոմբինատի նախկին շահագործող, կանադական Dundee Precious Metals ընկերության հայաստանյան մասնաճյուղի նախկին տնօրեն Հրաչ Ջաբրայանը ֆեյսբուքյան իր էջում դիմել էր ՀՀ ոստիկանապետին և ԱԱԾ տնօրենին՝ նրանց ուշադրությունը հրավիրելով 2013 թվականին ՊԵԿ-ի կողմից ընկերությանը $10 մլն-ով տուգանելու պատմության վրա: Ըստ Ջաբրայանի՝ 2013-ին ՊԵԿ-ը ստուգումներ է սկսել ընկերության կողմից շահագործվող Կապանի հանքավայրում, որից հետո՝ 2014 թվականին տուգանել է ընկերությանը $10 մլն-ով: Որոշումը համարելով անհիմն՝ նա մի քանի անգամ դիմել է այն ժամանակ ՊԵԿ նախագահ և ֆինանսների նախարար Գագիկ Խաչատրյանին, իսկ այնուհետև հարցը բարձրացրել է նախագահ Սերժ Սարգսյանի մոտ: Հղումներ թեմայով. Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման» Հայաստանն ու Ադրբեջանը նախնական համաձայնեցրել են սահմանագծի առանձին հատվածները Կողմերը պայմանավորվածություն են ձեռք բերել, որ սահմանազատման գործընթացում կառաջնորդվեն Ալմաթիի 1991թ. հռչակագրով |