Հայաստանը ՄԻԱՎ/ՁԻԱՀ-ի աճի տեմպերով Եվրոպայի «առաջատարն է». Թեմային պետք չէ անլուրջ վերաբերվել15 հոկտեմբերի 2019 - 17:39 AMT PanARMENIAN.Net - Արդեն երկրորդ օրն է՝ համացանցում և ԶԼՄ-ներում ակտիվորեն քննարկվում է «Կուբայից Հայաստան ժամանած ՁԻԱՀ-ի վարակակիր տրանսգենդերների» թեման: Թեև տեղեկությունները պաշտոնապես ո՛չ հերքվել են, ո՛չ հաստատվել, խնդիրը բուռն արձագանքի է արժանացել՝ դառնալով թե՛ մտավախությունների, թե՛ կատակների պատճառ: Այնուամենայնիվ, Հայաստանում խնդիրն առկա է: Ըստ ՀՀ առողջապահության նախարարության տվյալների՝ ՁԻԱՀ-ի նոր ախտորոշումների թիվը 2017-ին կազմել է 144, իսկ 2018-ին՝ 211: Համաձայն Առողջապահության համաշխարհային կազմակերպության «ՄԻԱՎ / ՁԻԱՀ-ի դեմ պայքարի միջոցառումների եվրոպական ծրագիր» զեկույցի՝ 2017-ի վերջի դրությամբ ՀՀ-ում կա 1476 ՁԻԱՀ-ով հիվանդ: Հաշվի առնելով բնակչության 100,000 շնչին ընկնող վարակվածների քանակը՝ ՀՀ-ն Եվրոպական տարածաշրջանում բավականին բարձր տեղ է գրավում՝ մտնելով հնգյակի մեջ: 2017-ին 100,000 շնչին ընկնող վարակվածների քանակը ՀՀ-ում կազմել է 4.8, 2018-ին՝ 7.1: Ըստ ԱՀԿ տվյալների՝ ՄԻԱՎ-ով վարակվածների քանակն ավելի շատ է՝ 2907, որից 2017-ին գրանցված նոր դեպքերը 358-ն են, իսկ 2018-ին՝ 429: 2017-ի դեպքերից 252-ը բաժին են ընկնում տղամարդկանց: ԱՀԿ զեկույցի համաձայն՝ դեպքերի 79.3 տոկոսը պայմանավորված է հետերոսեքսուալ կապերով, 10.7 տոկոսը՝ թմրամիջոցների օգտագործմամբ: Հայաստանի առողջապահության նախարար Արսեն Թորոսյանի խոսքով՝ Հայաստանում ՄԻԱՎ վարակակիրների թվի աճի հիմնական պատճառը աշխատանքային միգրացիան է: Այդ մասին Թորոսյանը հայտնել է դեռ 2019-ի հունվարին: «Վերջին տարիներին ՄԻԱՎ վարակի թվի աճի հիմնական գործոնը միգրացիան է։ Հիմնականում, աշխատանքային միգրացիան դեպի երկրներ, որտեղ ՄԻԱՎ վարակի տարածման աստիճանը մի քանի անգամ գերազանցում է նույն ցուցանիշը Հայաստանում և, նկատի առնելով որոշակի «բարենպաստ» պայմանները, այդ թվում ոչ անվտանգ ապրելակերպը, աճում է ՄԻԱՎ վարակակով աշխատանքային միգրանտների վարակման ռիսկը», - նշել է նախարարը՝ հավելելով, որ որ վերջին տարիներին կանխարգելիչ միջոցառումների շնորհիվ հաջողվել է կանխել ՄԻԱՎ տարածումը։ Բացի այդ, ներկա պահին երկրում իրականացվում է ՁԻԱՀ-ի կանխարգելման 4-րդ պետական ծրագիրը, որը նախատեսված է մինչև 2021 թվականը։ Ընթերցեք նաև.ՄԻԱՎ-ը միայն «թմրամոլների հիվանդություն» չէ. Ստուգվելն ամոթ չէ և պարտադիր է Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Ադրբեջանի խորհրդարանական ընտրությունները վաղաժամ կկայանան Այդպիսի որոշում է կայացվել, քանի որ նոյեմբերին կայանալու դեպքում ընտրությունները կհամընկնեն COP29–ի հետ Կոբախիձեն հրաժարվել է ԱՄՆ այցից` պայմանը «օտարերկրյա գործակալների մասին» օրենքի ընդունման կասեցումն էր ԱՄՆ դեսպանն ասել է, որ Վրաստանի կառավարության ընտրությունը «հեռացրել է երկիրը եվրաատլանտյան ապագայից»։ ԱԺ պատգամավորները Վաշինգտոնում ԱՄՆ սենատորներին են ներկայացրել ՀՀ-Ադրբեջան խաղաղության գործընթացը Նրանք կարևորել են ԱՄՆ ակտիվ աջակցությունը տարածաշրջանում երկարատև խաղաղության հաստատմանը |