Փաշինյանի ու Ալիևի հակասող ազդակները ԼՂ հակամարտության ապագայի մասին

Փաշինյանի ու Ալիևի հակասող ազդակները ԼՂ հակամարտության ապագայի մասին

PanARMENIAN.Net - Մոսկվայում ՌԴ նախագահ Վլադիմիր Պուտինի հետ հանդիպումից հետո ՀՀ ու Ադրբեջանի ղեկավարներ Նիկոլ Փաշինյանն ու Իլհամ Ալիևը տրամագծորեն հակառակ ազդակներ են ուղարկել ԼՂ հակամարտության վերաբերյալ։

Ալիևը հակամարտությունը լուծված է համարում․ նա հայտարարել է, թե չհաշված փոքր միջադեպեր, անհանգստության լուրջ առիթներ նոյեմբերի 10-ի համաձայնագրի ստորագրումից հետո չեն եղել։

«Այս ամենը տալիս է վստահություն, որ, ինչպես Վլադիմիր Վլադիմիրովիչն է մի անգամ ասել, ղարաբաղյան հակամարտությունը անցյալում է մնացել ու պետք է մտածենք ապագայի մասին՝ ինչպես ապրել միասին, հարևանների հետ, լուծել տրանսպորտային զարկերակների ապաշրջափակման հարցերը և տարածաշրջանի անվտանգությունն ու կայունությունն ապահովել», - նշել է նա։

Փաշինյանը, ընդհակառակը, շեշտել է, որ կոնֆլիկտը մինչև հիմա լուծված չէ։

«Մնում են շատ հարցեր, որոնցից մեկը ԼՂ ստատուսի հարցն է, ու Հայաստանը պատրաստ է, մասնավորապես, այդ հարցի շուրջ բանակցությունների ԵԱՀԿ ՄԽ համանախագահների ձևաչափի շրջանակում», - ասել է նա։

Կարդացեք նաև․ Ալիևն ու Փաշինյանը միանման հայտարարություն են արել տնտեսության ու տարածաշրջանի անվտանգության կապի մասին

Փաշինյան․ Ռազմագերիների հարցը դեռևս չի հաջողվել լուծել

Պուտինը, Փաշինյանն ու Ալիևը Ղարաբաղի զարգացման հայտարարություն են ստորագրել

 Ուշագրավ
«Աշխարհում որտեղ էլ հեղաշրջում լինի, մենք դա դատապարտում ենք»,-ասել է նա
Պեսկովը նշել է, որ իրավիճակը պետք է մնա սահմանդրական դաշտում
ՀՀ քաղաքացիները Վրաստան ժամանելիս պարտավոր են իրենց մոտ ունենալ PCR թեստի բացասական պատասխան
Ըատ նրա, Արցախի բնակչության անվտանգությունն առաջին հերթին պետք է ապահովի Պաշտպանության բանակը