ՌԴ ԱԳՆ պաշտոնական ներկայացուցիչ Մարիա Զախարովան, խոսելով ՌԽՖՍՀ և Թուրքիայի Ազգային մեծ ժողովի կառավարության միջև 1921թ․պայմանագրի մասին, ասել է, որ Մոսկվայի պայմանագիրը 100 տարում չի կորցրել իր քաղաքական և պատմական նշանակությունը։
Նա հավելել է, որ ՌԴ-ն պատրաստ է զարգացնել Թուրքիայի հետ կառուցողական գործակցությունը բոլոր ուղղություններով, գրում է ՌԻԱ Նովոստին։
Նա նշել է, որ այդ պայմանագիրը հիմնարար փաստաղթղթերից է, որը հիմք է դրել երկու երկրների միջև հարաբերություններին։
«Հաստատում ենք, որ պատրաստ ենք զարգացնել Թուրքիայի հետ կառուցողական գործակցությունը բոլոր ուղղություններով, ընդլայնելու առևտրատնտեսական և ներդրումյաին գործակցությունը, հեռանկարայաին նախագծերի իրականացումը էներգետիկայում, արդյունաբերությունում և ենթակառուցվածքներում, կատարելագործելու մշակութային և հումանիտար շփումներն ու փոխանակումները»,-ասել է Զախարովան։
Ըստ նրա, «հավատարմությունը Մոսկվայի պայմանագրի ոգուն և սկզբունքներին, որն անցած 100 տարում չի կորցրել իր քաղաքական և պատմական նշանակությունը, գրավական է հանդիսանում ՌԴ և Թուրքիայի միջև հարաբերությունների զարգացման համար»։
Մոսկվայի ռուս-թուրքական պայմանագիր Ռուսաստանի Խորհրդային Ֆեդերատիվ Սոցիալիստական Հանրապետության (ՌԽՖՍՀ) կառավարության և Թուրքիայի Ազգային մեծ ժողովի կառավարության միջև 1921թ․ մարտի 16-ին կնքված «եղբայրության և բարեկամության պայմանագիրն» է, որը բանակցվել է Մոսկվայի ռուս-թուրքական երկրորդ կոնֆերանսի ժամանակ։
Պայմանագրով Ռուսաստանը ճանաչում էր Թուրքիայի ինքնիշխանությունը Ազգային մեծ ուխտի՝ թուրքական ճանաչած բոլոր տարածքների նկատմամբ։ Թուրքիան իր հերթին հրաժարվում էր Բաթումից` փոխարենը ստանալով Սուրմալուի գավառը։ Պայմանագրով հաստատվել է Թուրքիայի հյուսիս-արևելյան սահմանը, որը գործում է առ այսօր։Այդ պայմանագրի արդյունքում Հայաստանին պարտադրվեց հրաժարվել Արևելյան Հայաստանի զգալի հատվածից՝ Կարսի մարզից, Սուրմալուի գավառից, Նախիջևանից և այլն։
Ընթերցեք նաև․ 7 կուսակցություն կոչ է անում դիմել ՌԴ-ին՝ Մոսկվայի պայմանագրի չեղարկման հարցով