  ԱԳ նախարար․ Սահմանազատման և սահմանագծման շուրջ բանակցություններ չկան 2 սեպտեմբերի 2021 - 10:56 AMT PanARMENIAN.Net - ՀՀ ԱԳ նախարար Արարատ Միրզոյանը, ՌԻԱ Նովոստի գործակալությանը տված հարցազրույցում անդրադառնալով ՀՀ և Ադրբեջանի միջև սահմանային իրադրությանը, հայտարարել է, որ սահմանազատման և սահմանագծման շուրջ բանակցություններ չկան։ «Այս պահի դրությամբ ընթանում են բանակցություններ, որոնց արդյունքները ցույց կտան պաշտոնական Բաքվի պայմանավորվելու ունակության աստիճանը, ինչպես նաև վերջինիս պատրաստակամությունը՝ հրաժարվելու միջազգային իրավունքի նորմերի և սկզբունքների կոպիտ խախտմամբ արհեստական օրակարգ նախաձեռնելու քաղաքականությունից: Եթե Ադրբեջանը կառուցողական դիրքորոշում որդեգրի և դուրս բերի զորքերը ՀՀինքնիշխան տարածքից, այսինքն՝ վերադառնա այս տարվա մայիսի 11-ի դրությամբ եղած դիրքեր, ապա բարենպաստ պայմաններ կստեղծվեն սահմանազատման և սահմանագծման գործընթաց սկսելու համար»,-ասել է նա։ Միրզոյանը հավելել է, որ բանակցություններն ընթանում են ռուսական կողմի անմիջական մասնակցությամբ, և հայկական կողմը հուսով է, որ այդ հարցի լուծումը հնարավոր կլինի այնպիսի քննարկումների ընթացքում, որի պարագայում միջնորդ երկրներին կամ միջազգային կազմակերպություններին դիմելու անհրաժեշտություն չի լինի: Խոսելով Ադրբեջանի հետ սահմանին ռուս սահմանապահների և ՀԱՊԿ դիտորդական առաքելության տեղակայման մաիսն ՀՀ առաջարկի մասին՝ Միրզոյանն ասել է, որ այդ նախաձեռնությունները պետք է դիտարկել որպես ադրբեջանական կողմի ռազմատենչ նկրտումների զսպմանն ու արյունահեղությունից խուսափելուն ուղղված քայլ։ «Մայիսի 12-ից մենք բախվեցինք մի իրավիճակի, երբ Ադրբեջանի զինված ստորաբաժանումները ներթափանցեցին ՀՀ ինքնիշխան տարածք, ինչը լի է պայթյունավտանգ հետևանքներով։ Դա անթույլատրելի է և իրավիճակը պետք է հանգուցալուծվի Հայաստանի տարածքից ադրբեջանական զինված ստորաբաժանումների անհապաղ և անվերապահ դուրս բերմամբ»,-ասել է նա։ ՀՀ ԱԳ նորանշանակ նախարար Արարատ Միրզոյանն իր առաջին արտասահմանյան այցը կատարել է ՌԴ, որտեղ հանդիպում է ունեցել ՌԴ ԱԳ նախարար Սերգեյ Լավրովի հետ։ Ընթերցեք նաև․ Միրզոյան․ Հայկական կողմը հետևողականորեն առաջ է մղելու արցախցիների ինքնորոշման իրավունքի իրացումը Photo. Ria Novosti   Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում   Ամենաընթերցվողը բաժնում |  Բաժիններ թեմայով Վերջին լուրեր Ռուբեն Վարդանյանը 14 օր է` հացադուլ է անում. Պահանջում է բոլոր հայ բանտարկյալների անհապաղ ազատում  Նրա ընտանիքը հայտարարել է, որ COP 29-ը չպետք է տեղի ունենա Ադրբեջանում, եթե իրենց պահանջները չկատարվենՔԿ. ԱՆ-ում և բուժհաստատություններից մեկում սկսված քննչական և վարութային գործողությունները դեռ շարունակվում են Հայտնի չէ, թե ինչ գործի շրջանակներում են իրականացվում գործողությունները և որ բժշկական կենտրոնումԼավրովը «լկտի» և «անպատկառ» է անվանել ԱՄՆ և ԵՄ գործողությունները, որոնք ուզում են «ՀՀ–ին պոկել Ռուսաստանից» Նա նաև ասել է, որ ՌԴ–ն ու ՀՀ–ն նախկինի պես դաշնակիցներ ենՊետդեպն ապատեղեկատվություն է անվանել Բրյուսելում ՀՀ-ի հետ ռազմական փաստաթուղթ ստորագրելու մասին պնդումները Նշել է, որ անվտանգային հարցեր օրակարգում չեն եղել |
