Քաղաքական, հասարակական գործիչ, Արցախի հերոս Մենուա Հովհաննիսյանի մայրը՝ Կարին Տոնոյանը կոչ է արել ժամը 14.00-17.00 հավաքվել Հանրապետության հրապարակում՝ «պաշտպանելու Երկիր ունենալու իրավունքը»: Այդ մասին նա գրել է ֆեյսբուքյան իր էջում՝ նշելով, որ ամեն ինչ անելու են՝ կանխելու «Հայրենիքի հանձնումը թուրքին, ռուսին կամ ամերիկացուն»։
«Ես ֆբ-ում 5000 ընկեր ունեմ, 38,500 հետևորդ, ամեն օր տասնյակ նամակներ եմ ստանում, թե մի բան արեք, խնդրում ենք, միայն գրելով ու խոսելով չի լինի...
Վաղը՝ ժամը 14.00 և 17.00 բոլոր իմ ծանոթ անծանոթ ընկերներին հրավիրում եմ Հանրապետության հրապարակ՝ վարչապետից պահանջելու հրապարակել այն փաստաթուղթը, որը պատրաստվում է ստորագրել և հավուր պատշաճի զինել հայոց բանակն ու աշխարհազորը:
Վաղվանից ոչ թե մի բան, այլ ամեն ինչ ենք անելու, որ կանխենք Հայրենիքի հանձնումը թուրքին, ռուսին կամ ամերիկացուն...
Սա մեր Երկիրն է, և մենք կարո՛ղ ենք այն պաշտպանել, ով վստահ չէ իր ուժերին, թող չխանգարի մեզ, արտաքին որևէ մի ուժ չպիտի գաղութացնի Հայաստանը, սա վերջնագիր է Հայի կողմից:
Նոյեմբերի 22-ին ժամը 14.00-17.00 դուրս արի հրապարակ, պաշտպանիր Երկիր ունենալու քո իրավունքը»,-ասվում է գրառման մեջ:
Ավելի վաղ հայտնի դարձավ, որ դեկտեմբերի 15-ին Բրյուսելում կայանալու է ՀՀ վարչապետ Նիկոլ Փաշինյանի և Իլհամ Ալիևի հանդիպումը։
Ընթերցեք նաև․ Երևանում փողոցներ են փակել․ Կան բերման ենթարկվածներ