ԵԽ գլխավոր քարտուղար․ Կշարունակենք աջակցել ՀՀ բարեփոխումներին
Այցով Երևանում գտնվող Եվրոպայի խորհրդի գլխավոր քարտուղար Մարիա Պեյչինովիչ Բուրիչը X-ի իր միկրոբլոգում գրել է, որ լավ հանդիպումներ է ունեցել ՀՀ պաշտոնյաների հետ։
«Գերազանց հանդիպում ունեցա այսօր Երևանում ՀՀ վարչապետ Նիկոլ Փաշինյանի հետ։ Եվրոպայի խորհուրդը կշարունակի աջակցել Հայաստանին իր բարեփոխումների գործընթացում»,- գրել է նա։
Նա նաև շնորհակալություն է հայտնել ՀՀ ԱԳ նախարար Արարատ Միրզոյանին ջերմ ընդունելության համար։
Ընթերցեք նաև․ Ակցիա ԱԳՆ–ի դիմաց, որտեղ ժամանել է Բուրիչը․ «Ազատություն Բաքվի ու Երևանի բանտերում գտնվող քաղբանտարկյալներին»
