Պոլսո Հայոց պատրիարքի փոխանորդ Արամ արքեպիսկոպոս Աթեշյանի նամակը՝ Թուրքիայի նախագահ Ռեջեփ Թաիփ Էրդողանին վկայում է, որ Ստամբուլի ու Թուրքիայի հայությունը ճնշված իրավիճակում է գտնվում:
Այդ մասին է հայտարարել ՀՀ արտգործնախարարի տեղակալ Շավարշ Քոչարյանը:
«Ցավալի է, ես չէի էլ ուզենա մեկնաբանել: Ուղղակի դա դրա արտահայտությունն է»,- նշել է նա, գրում է Panorama.am-ը:
Կոնստանդնուպոլսի պատրիարքի փոխանորդ, արքեպիսկոպոս Արամ Աթեշյանը Բունդեսթագի կողմից Հայոց ցեղասպանության ճանաչումը դատապարտող նամակ էր հղել Թուրքիայի նախագահ Ռեջեփ Թայիփ Էրդողանին, որում «խորին ափսոսանք» էր հայտնել որոշման վերաբերյալ:
Մայր Աթոռ Սուրբ Էջմիածնի Տեղեկատվական համակարգի տնօրեն տեր Վահրամ քահանա Մելիքյանը, մեկնաբանելով նամակը, չէր բացառել հարկադրանքի պարագան:
Նամակն առաջացրել է Ստամբուլի հայ համայնքի բազմաթիվ ներկայացուցիչների զայրությը: Համայնքի ամենաազդեցիկ «Ակոս» թերթը խմբագրական սյունակով կոշտ քննադատել էր Աթեշյանին՝ հիշեցնելով նաև Էրդողանի սպառնալիքները հայերին կրկին աքսորելու վերաբերյալ: