Իրանում կորոնավիրուսն ալկոհոլային սպիրտով կանխելու փորձ արած 600-ից ավելի մարդ է մահացել, 3000 հոգի թունավորվել է, հայտարարել է երկրի դատախազության ներկայացուցիչ Գուլամ Հուսեյին Իսմաիլին, փոխանցում է TRT-ն։

Նշվում է, որ Իրանի քաղաքացիները ենթադրաբար թունավորվել են մեթիլսպիրտից կամ կեղծ սպիրտից՝ հավատալով լուրերին, թե դրանք կանխում են կորոնավիրուսը։

Մահմեդական օրենքներով՝ Իրանում արգելվում է ալկոհոլի օգտագործումը, սակայն կիրառվում է մեթիլսպիրտը։

Gazeta.ru-ի փոխանցմամբ՝ Իսմայիլին նշել է, որ ակոհոլը դեղամիջոց չէ, այլ «թույն»։

Միջազգային հետազոտական ինստիտուտների տվյալներով՝ Իրանում ապրիլի 8-ի դրությամբ 64,000 վարակակիր կա, մահացել է մոտ 4000 մարդ, վերականգնվել 27,000-ից ավելի պացիենտ։

Ընթերցեք նաև․ Կորոնավիրուսից խուսափելու համար խորհուրդներ` ԱՀԿ-ից