Մոսկվայի մարզային դատարանը արդարացրել է 19-ամյա Արթուր Սարդարյանի մարդասպան Ռոման Պոլուսնյակին: 12 ատենակալներից 10-ը մարդասպանին անմեղ են համարել, չնայած երկու ականատեսների վկայությանը, ովքեր եղել էին դեպքի վայրում եւ ճանաչել են մարդասպանին: Արթուր Սարդարյանն սպանվել է 2006 թվականի մայիսի 25-ին` Մոսկվա-Պուշկինո գնացքում, Կլյազմա կայարանի մոտ: Երկու սափրագլուխներ ետեւից հանկարծակի հարձակվել են Արթուրի վրա եւ «Կեցցե' Ռուսաստանը» կոչերով դանակի վեց հարված են հասցրել կրծքավանդակի հատվածում. արդյունքում Սարդարյանը մահացել է: