Ուշադրության կենտրոնում
ԱԽ քարտուղար․ Խաղաղության պայմանագրի նախագծի խմբագրված տարբերակը շուտով կփոխանցենք Ադրբեջանին

ԱԽ քարտուղար․ Խաղաղության պայմանագրի նախագծի խմբագրված տարբերակը շուտով կփոխանցենք Ադրբեջանին

9 դեկտեմբերի
Անվտանգության խորհրդի քարտուղար Արմեն Գրիգորյանը, անդրադառնալով խաղաղության պայմանագրի նախագծի մասով ադրբեջանական կողմի առաջարկներին, որը փոխանցվել էր հայկական կողմին, ասել է, որ պայմանագրի շուրջ աշխատանքը շարունակվում է։ «Տեքստի վրա շարունակում ենք աշխատել, և մեր կողմից խմբագրված տարբերակը շուտով կփոխանցվի Ադրբեջանին»,- ասել է Գրիգորյանը, գրում է Արմենպրեսը։ ԱԽ քարտուղարն ընդգծել է, որ հայկական կողմն իր բոլորջ ջանքերը կներդնի, որպեսզի մինչև տարեվերջ խաղաղության պայմանագիր կնքվի: «Հայաստանը՝ ի դեմս իշխանության, իր ամբողջ ջանքերը ներդրել է, որպեսզի կարողանանք ունենալ խաղաղության պայմանագիրը: Հիմա ավելի մոտիկ լինելով տարեվերջին՝ դժվար է ասել, որ կստացվի, բայց շարունակելու ենք աշխատել և աշխատանքների արդյունքներից է կախված այդ ամենը»,- նշել է Գրիգորյանը: Անդրադառնալով Լեռնային Ղարաբաղի հիմնախնդրին՝ Գրիգորյանը միայն ասել է, որ դեռևս վերջնական որոշումը չկա՝ խաղաղության պայմանագրո՞վ է Լեռնային Ղարաբաղի հարցը լուծվելու, թե՞ առանձին միջազգային մեխանիզմ է ստեղծվելու: «Վաշինգտոնում համաձայնություն կար ստեղծել միջազգային մեխանիզմ, որպեսզի Լեռնային Ղարաբաղը և Ադրբեջանը քննարկեն Լեռնային Ղարաբաղի հայերի իրավունքները և անվտանգությունը: Մինչև այս պահը այդ մեխանիզմի մասին հստակություն չկա: Նաև հստակություն չկա խաղաղության պայմանագրո՞վ է դա արվելու, թե՞ խաղաղության պայմանագրից դուրս: Երևանը կողմ է անվտանգության երաշխիքների ստեղծմանը, կողմ է, որպեսզի մեխանիզմ ստեղծվի, քննարկում տեղի ունենա Լեռնային Ղարաբաղի և Ադրբեջանի միջև իրավունքների և անվտանգության վերաբերյալ»,- եզրափակել է Գրիգորյանը: Ավելի վաղ Արցախի ԱԳՆ-ն հայտարարություն էր տարածել՝ նշելով, որ Հայաստանի և Ադրբեջանի միջև հարաբերությունների կարգավորումը, այդ թվում՝ սահմանների հարցի լուծումը, չի կարող և չպետք է կապված լինի Արցախի Հանրապետության կարգավիճակի հետ։
ԱՄՆ Սենատի կոմիտեն ՌԴ գործողություններն Ուկրաինայում ցեղասպանություն է ճանաչել
ԱՄՆ Սենատի կոմիտեն ՌԴ գործողություններն Ուկրաինայում ցեղասպանություն է ճանաչել Բանաձևով կոչ է արվում ԱՄՆ-ին և նրա դաշնբակիցներին շարունակել սատարել Ուկրաինային
Շոյգու․ ՀՀ-ն մեր դաշնակիցն է ՀԱՊԿ-ում և առանցքային ռազմավարական գործընկերն Անդրկովկասում
Շոյգու․ ՀՀ-ն մեր դաշնակիցն է ՀԱՊԿ-ում և առանցքային ռազմավարական գործընկերն Անդրկովկասում «Հատկապես կարևորում ենք երկկողմ համագործակցության զարգացումը և աջակցությունը Հայաստանի ԶՈւ ներուժի ավելացմանը»,- ասել է
Շերը ներկա էր «Ավրորայի լուսաբացը» ֆիլմի հատուկ ցուցադրությանը
Շերը ներկա էր «Ավրորայի լուսաբացը» ֆիլմի հատուկ ցուցադրությանը Իննա Սահակյանի վավերագրական-անիմացիոն ֆիլմը, որը նկարահանված է Ավրորա Մարդիգանյանի պատմության հիման վրա
Երևանում դեկտեմբերի 10-11-ին  տեղումներ չեն լինի
Երևանում դեկտեմբերի 10-11-ին տեղումներ չեն լինի Մարզերում դեկտեմբերի 10-ի ցերեկը 2-4 աստիճանով կտաքանա, գիշերը կնվազի 4-6 աստիճանով
Փաշինյանը՝ ԵԱՏՄ նիստում գազի ընդհանուր շուկայի ձևավորման խնդիրների մասին․ Պատրաստ ենք ճկուն մոտեցման
Փաշինյանը՝ ԵԱՏՄ նիստում գազի ընդհանուր շուկայի ձևավորման խնդիրների մասին․ Պատրաստ ենք ճկուն մոտեցման «Մենք պատրաստ ենք ճկուն մոտեցում ցուցաբերել՝ կոնսենսուսի հասնելու համար»,-ասել է նա
---