Ներկայումս գոյություն ունեն 44 պետություններ, որոնց սահմանները ելք չունեն դեպի Համաշխարհային օվկիանոս: Այդպիսի պետություններն ամենաշատը Աֆրիկայում են` 15, Եվրոպայում` 14, Ասիայում` 12, Հարավային Ամերիկայում` 2: Այդքանը երկու հարյուրից ավելի երկրներից, համաձայն ՄԱԿ-ի տվյալների: Երկրի համար դեպի ծով ելքի բացակայությունը նշանակում է բարդություններ աշխարհի հետ հաղորդակցման, առեւտրա-տնտեսական կապերի զարգացման գործում եւ ընդհանրապես զարգացման արգելակում: Այդ ամենն ունի նաեւ Հայաստանը, եւ պետք է ազնվորեն ասել, որ ոչ մի բաց սահմաններ չեն կարող հանգեցնել աշխարհագրության փոփոխման: Քաղաքական առումով կարող է եւ ինչ-որ առաջընթաց լինի, բայց դարձյալ զուտ աշխարհագրորեն Հայաստանը դատապարտված է փակ տարածության: