«Հայե'ր, ներե'ք մեզ» հանրագրի տակ հավաքված ստորագրությունների թիվը դեկտեմբերի 18-ին ցերեկը կանգ առավ 13315-ի վրա: Փաստը, որպես այդպիսին սպասելի էր, եւ անհրաժեշտից ավելի բացատրություններ ունի: Որքան էլ որ պաշտոնական Անկարան ասի, որ Թուրքիայում խոսքի եւ արտահայտման ազատություն է, YouTube-ի եւ որոշ կայքերի արգելափակումն ավելի շատ հակառակն են հաստատում: Տարօրինակ է այն, որ Թուրքիայի իշխանությունները սպասեցին 2 օր, որից հետո վարչապետ Էրդողանը վերջապես արտահայտվեց, որ «հավանություն չի տալիս» տվյալ նախաձեռնությանը: