Այսօր կայացած Հայաստանի կառավարության նիստում հաստատվել է մի դրույթ, որը կանոնակարգում է հանրապետության բնակելի տների ջրամատակարարումը: Փաստաթուղթը ենթադրում է բնակարաններում ջրաչափերի պարտադիր տեղադրում, որոնց ցուցմունքներից կախված կլինի խմելու ջրի օգտագործման վարձը:

Նախատեսվում է Հայաստանում տեղակայված ռուսաստանյան սահմանապահ զորքերի օպերատիվ խմբի ֆինանսավորմանը վերաբերող փաստաթղթերի ստորագրում:

վրաց-հայկական միջխորհրդարանական հանձնաժողովի համանախագահ, Վրաստանի խորհրդարանի փոխխոսնակ Վախտանգ Կոլբայան հանձնարարել է մաքսային եւ սահմանապահ ծառայությունների ղեկավարներին եւ ճանապարհային ոստիկանությանը միջոցներ ձեռնարկել Վրաստանի սահմանը Հայաստանի քաղաքացիների կողմից հատելու ընթացքում առաջացող անօրիկանությունները վերացնելու ուղղությամբ:

Խաղաղության եւ ժողովրդավարության ինստիտուտի տնօրեն Լեյլա Յունուսը լիովին պաշտպանել է ԵԽԽՎ-ում Ադրբեջանի գծով զեկուցող Ժորժ Քլերֆայթի քաղբանտարկյալներին անվերապահորեն ազատագրելու մասին պահանջը:

Հայաստանի եւ ԱՄՆ-ի 2002 թվականի ռազմական համագործակցության ծրագիրը էապես տարբերվում է նախորդ տարիներից:

Ռազմական դրությունը ԼՂՀ-յում կգործի մինչեւ 2003 թվականի հունվարի 1-ը:

Երեւանի կոնյակի գործարանը հայտարարել է 2002 թվականի բերքի 15 հազար տոննայից ոչ պակաս խաղող մթերելու մտադրության մասին:

Սահմանապահները հայտնաբերել են խախատողներին Ստամբուլ-Երեւան չվերթի փաստաթղթերը ձեւակերպելիս:

Ինչպես արդեն հայտնել ենք, վերջին շրջանում արաբական մի շարք թերթերում հրապարակվել են հոդվածներ, որոնցում ներկայացված էին Իսրայելի կողմից Ադրբեջանին ռազմական տեխնիկայի գաղտնի մատակարարումը հաստատող փաստեր: Վերջին նման հրապարակումը տպվել է Բեյրութում լույս տեսնող «Մուարի» շաբաթաթերթում («Թուրքիայի եւ Իսրայելի ռազմավարական միությունը ընդլայնվում է Ադրբեջանի հաշվին»): Սրան նախորդել էր թուրքական մամուլում տարածված այն հայտարարությունը, որ Իսրայելի վարչապետ Արիել Շարոնի Անկարա կատարած այցի ժամանակ քննարկվել է Ադրբեջանին համատեղ ռազմական աջակցություն տրամադրելու հարցը: Այս մասին մասնավորապես գրել էին «Հուրիեթը» եւ «Ռադիկալը»: Թել-Ավիվը եւ Բաքուն շտապեցին հերքել հասարակությանը արդեն հայտնի դարձած սենսացիոն հայտարարությունը: Սակայն հետագա իրադարձությունները միայն հաստատեցին, որ «առանց կրակի ծուխ չի լինում»: