Քաղաքականություն. ՀԱՅԿԱԿԱՆ ՕՊՈԶԻՑԻԱՆ ՉՕԳՏԱԳՈՐԾԵՑ ՀԵՅԴԱՐ ԱԼԻԵւԻ ՆՎԵՐԸԱդրբեջանի նախագահի սենսացիոն «հայտնություններն» Երեւանում ընդունվեցին որպես կեղծ խոսքեր` ուղղված Ռոբերտ Քոչարյանի վարկաբեկմանը: 24 հունիսի 2002 Վերջերս տեղի ունեցած միասնական մամլո ասուլիսում հայկական 13 օպոզիցիոն կուսակցությունների առաջնորդներն հայտարարեցին, որ 13 թիվը նրանց դուր չի գալիս, եւ որ շատ շուտով օպոզիցիոն բլոկի թիվը կավելանա: Ադրբեջանի նախագահին այդ գաղափարը, կարծես թե, դուր եկավ: Տասնչորսերորդը որոշեց դառնալ հենց ինքը: Եվ չնայած հայկական օպոզիցիան Հեյդար Ալիեւից օգնություն չէր խնդրել, նա մի քայլ արեց, որը կարելի է գնահատել որպես, այսպես կոչված, տակտիկական միության ստեղծման հայտ` հիմնված Ռոբերտ Քոչարյանի անձի հանդեպ ընդհանուր անբարյացկամության վրա: Իսկ այլ կերպ, ինչպե՞ս կարելի է ընկալել հայկական օպոզիցիային նետված ադրբեջանական նախագահի փոխանցումը: |