ՀԲ-ի գործադիր տնօրեն Պիտեր Ստեկը եւ Հայաստանի վարչապետ Անդրանիկ Մարգարյանը քննարկել են Հայաստանում աղքատության նվազեցման ռազմավարական ծրագիրը, էներգետիկայի ոլորտի բարեփոխումների ընթացքը եւ ՀԲ-ի աջակցությունը երկրի տնտեսության առանձին ճյուղերին:

Երեւանի պետհամալսարանում ունեցած իր ելույթում ԵԽ Գլխավոր քարտուղարը ողջունել է Հայաստանի առաջարկը` Երեւանում «Քաղաքակրթությունների երկխոսություն» թեմայով կոնֆերանս անցկացնելու մասին:

Թուրքիայի բիրժաների միությունը խիստ քննադատական ելույթով է հանդես եկել իր երկրի կառավարության վարած տնտեսական քաղաքականության առնչությամբ: Միության նախագահ Ռֆատ Խիսախջողլին աղետալի է անվանել իրադրությունը տնտեսությունում: Համատարած գործազրկության եւ աղքատության դեմ պայքարի միակ միջոցը նա համարում է Հայաստանի հետ սահմանների բացումը եւ Իրաքի հետ մերձսահմանային առեւտրի ակտիվացումը: