Ինչպես երեւում է, Ադրբեջանի պաշտպանության նախարարությունը լուրջ ֆինանսական դժվարությունների առջեւ է կանգնել: Երկիրը, որը հպարտանում է գազի եւ նավթի պաշարների անվերջանալի ընդերքի առկայությամբ, բավականաչափ ֆինանսական միջոցներ չունի սեփական զինված ուժերը պահելու համար: Զինված ուժերի ֆինանսավորման խնդիրը լուծելու համար վերջերս նախագահ Հեյդեար Ալիեւը ստորագրել է հրաման` ազգային բանակի օգնության Ֆոնդի ստեղծման մասին: Կառավարությունը որոշել է, որ սա իրենց զինվորներին կերակրելու միակ միջոցն է: «Հուսով ենք, որ այս քայլով մենք կկարողանանք բավարարել բանակի պահանջները»,-հայտարարել է Ադրբեջանի պաշտպանության նախարարության մամլո ծառայության ղեկավար Ռամիզ Մելիքովը: