Վերջերս ԼՂՀ-ի նախագահ Արկադի Ղուկասյանին ուղղված ամերիկյան 46 կոնգրեսականների հղումը սթափեցրեց ադրբեջանցի քաղաքական գործիչներին: Հեյդար Ալիեւի եւ քաղաքական էլիտայի այլ ներկայացուցիչների արձագանքից դատելով` Լեռնային Ղարաբաղը ամերիկյան օրենսդիրների կողմից որպես անկախ պետություն փաստացի ընդունելը ծայրահեղ անհանգստություն է առաջացրել Բաքվում: Միեւնույն ժամանակ, տեղական լրատվամիջոցները շարունակում են բոլոր ջանքերը գործադրել, որպեսզի տեղացիները չգիտակցեն ԱՄՆ կոնգրեսում սկսված քարոզարշավի հետեւանքների ողջ լրջությունը: