Հայաստան-ՆԱՏՕ հարաբերությունների հարցերն են քննարկվել այսօր Երեւանում կայացած ՀՀ պաշտպանության նախարար Սերժ Սարգսյանի եւ գեներալ-լեյտենանտ Անտոնիո Կվինտանայի գլխավորած ՆԱՏՕ-ի Հարավային միացյալ հրամանատարության բարձրաստիճան պատվիրակության միջեւ հանդիպման ընթացքում:

Գեորգի Խոսրոեւի խոսքերով, Երեւանը եւ Թբիլիսին մոտեցել են գործակցության այնպիսի մակարդակի, որն ուժերի համախմբման պարագայում կապահովի երկու երկրների ռազմավարական շահերի իրագործումը:

Երեւանի կոնյակի գործարանի եւ «Վեդի Ալկո» ընկերության արտադրանքը առաջին իսկ օրվանից հարուցել է տոնավաճառ այցելած մասնագետների հետաքրքրությունը:

ԵԽԽՎ քաղաքական հարցերի հանձնաժողովի անդամ, շվեյցարացի պատգամավոր Անդրեաս Գռոսը ներկայացրել է պետության կազմում տարածաշրջանային ինքնավարության նոր սկզբունք, որը թույլ է տալիս կառուցողական կերպով կարգավորել հակասությունները կենտրոնական իշխանությունների եւ ինքնավար տարածաշրջանների միջեւ:

Բաքվում Իրանի դեսպանատունն այսօր հերքել է Ադրբեջանի հետ սահմանի երկարությամբ իրանական բանակի լրացուցիչ ստորաբաժանումների եւ անվտանգության ուժերի տեղաբաշխման մասին հաղորդագրությունները:

ԵԽԽՎ դիտորդական խմբի զեկուցող Իրժի Յասկերնյան եւ խմբի անդամ Յոզեֆ Յուվիոն նախօրեին իրենց ելույթներում ընդգծել են, որ տվյալ առաջարկը չի համապատասխանում դիտորդական առաքելության գործողությունների տրամաբանությանը:

Դրան ի պատասխան ԵԽԽՎ քաղաքական հարցերի հանձնաժողովի անդամ Անդրեաս Գռոսը պարզաբանել է, որ տվյալ հարցով կա ԵԽԽՎ հատուկ զեկուցող եւ Լեռնային Ղարաբաղի հիմնախնդիրը կդիտարկվի առանձին զեկույցում:

Վրաստանի ղեկավարության հետ հանդիպումների ընթացքում կքննարկվեն երկկողմ համագործակցության եւ տարածաշրջանային անվտանգության խորացման հարցեր:

Եվրախորհրդարանի կողմից առաջին հռչակագրի ընդունման 16-րդ տարելիցի օրը, որ կոչ էր անում թուրքական կառավարությանը ճանաչել Հայոց ցեղասպանությունը, Եվրախորհրդարանի նախագահ Պատ Կոքսին խնդրագիր է հանձնվել «Ցեղասպանության ընդդիմախոսների միությունից», որը ներկայացնում է Գերմանիայում բնակվող թուրք քաղաքացիներին:

Ստրասբուրգում սկսվել են Եվրոպայի Խորհրդի Խորհրդարանական Վեհաժողովի ամառային նստաշրջանի աշխատանքները: Մինչեւ հունիսի 27-ը տեւող նստաշրջանի օրակարգում ընդգրկված են այնպիսի հարցեր, որոնք շոշափում են ինչպես Երեւանի, այնպես էլ Բաքվի շահերը: Հայաստանն իրեն հասանելիք քննադատությունն արդեն լսել է: ԵԽԽՎ-ի պատգամավորները նշել են մայիսին տեղի ունեցած խորհրդարանական ընտրություններում տեղ գտած լուրջ թերությունները: Միաժամանակ նրանք ընդգծել են, որ ԵԽԽՎ-ի դիտորդների գնահատականներում անցած ընտրությունները որակվել են որպես «մեկ քայլ առաջ դեպի ժողովրդավարություն»: Հայաստանի հանդեպ պատժամիջոցներ կիրառելու մասին խոսք չի եղել, իսկ հայ պատգամավորների լիազորությունների ընդունման հարցը հետաձգվել է հաջորդ նիստ: Այլ իրադրություն է Ադրբեջանի դեպքում: ԵԽԽՎ-ի բյուրոն մերժել է քաղբանտարկյալներին վերաբերող հարցերի քննարկման հետաձգման մասին ադրբեջանական պատվիրակության խնդրանքը: