ԱՄՆ-ի կոնգրեսում շարունակվում է լոբբիստական աշխատանքը` կապված ռազմական գործողությունների արդյունքում տուժած Իրաքի հայկական համայնքին օգնություն ցույց տալու մասին օրենքի ընդունման հետ: Ներկայացուցիչների պալատի որոշ անդամներ ձեւավորել են նախաձեռնող խումբ, որի խնդիրն է մշակել եւ Կոնգրեսի օտարերկրյա օգնության հարցերով զբաղվող հանձնախմբի քննարկմանը ներկայացնել իրաքյան հայերին 20 միլիոն դոլարի օգնություն տրամադրելու մասին օրինագիծը: Վարչակազմի կողմից աջակցություն չստանալով` հայ լոբբիստների մի քանի գործընկերներ թուլացրել են իրենց ակտիվությունը: Բաղդատի եւ Մոսուլի հայերին մնում է հույսը դնել միայն իրենց արտասահմանցի հայրենակիցների վրա: Միացյալ Նահանգների հայկական համայնքը շարունակում է միջոցներ հայթայթել` օգնելու համար տուժած իրաքցիներին: