Այժմ արդեն կարելի է չկասկածել, որ Ստամբուլում վերջերս կազմակերպված ահաբեկությունները պլանավորել եւ իրականացրել էին հենց թուրքերը եւ ոչ թե դրսից գործող ուժերը, ինչպես սկզբում փորձում էին ներկայացնել թուրքական հատուկ ծառայությունները: Անկարան ընդունել է, որ արյունալի գործողությունների հեղինակը թուրքական «Հզոր Արեւելքի գրոհայինների իսլամական ճակատ» ծայրահեղական խմբավորումն է, որը սկզբնապես իր վրա էր վերցրել պայթյունների պատասխանատվությունը: Արդեն ճշտված տեղեկությունների համաձայն, ղարաբաղյան պատերազմի տարիներին այս կազմակերպությունն ահաբեկչական գործողություններ է իրականացրել հայերի դեմ: