ԵԱՀԿ Մինսկի խմբի ռուս համանախագահը հերքել է Ադրբեջանի ԱԳՆ ղեկավար Վիլայաթ Գուլիեւի հայտարարությունները իր հետ վարած բանակցությունների մասին:

Ռոբերտ Քոչարյանի խոսքերով, բոլոր հաջող լուծում ստացած հակամարտությունները անցել են կարգավորման գործընթացի գաղտնիության պայմաններում, որպեսզի կարգավորումը չզոհաբերվի ընթացիկ քաղաքական գործընթացներին:

Րենո Հարնիշը նշել է, որ ԱՄՆ-ի զորքերի տեղակայման մասին կոնկրետ որոշում դեռեւս չի կայացվել:

Հայաստանի ներկայացուցիչները ԱՊՀ դիտորդական առաքելության կազմում կհետեվեն հունվարի 4-ին Վրաստանում կայանալիք նախագահական ընտրությունների ընթացքին:

Միեւնույն ժամանակ Բաքվի քաղաքապետը առաջարկել է Ադրբեջանը վերանվանել Հեյդարստան, իսկ ադրբեջանցիներին` հեյդարցիներ:

Երեւանի մի շարք ավտոմատ հեռախոսակայններում ստուգումների արդյունքում արձանագրվել է, որ «ԱրմենՏել»-ը միտումնավոր չի կատարում Դատական ակտերի հարկադիր կատարման ծառայության որոշումները:

Հայաստանի կառավարությունը որոշում է կայացրել երեխայի որդեգրման կարգում փոփոխություններ կատարվելու վերաբերյալ:

Ռուսաստանի իրավապահ մարմինները նոր փաստեր են ձեռք բերել, որոնք վկայում են ադրբեջանցիների հետ չեչեն ահաբեկիչների ունեցած սերտ կապերի մասին: Հակաահաբեկչական գործողությունների տարածքային օպերատիվ շտաբն օրերս տեղեկատվություն է տարածել այն մասին, որ Բաքվում գործում է բարեգործական հիմնադրամ, որը ֆինանսավորում է Հյուսիսային Կովկասում գործող ծայրահեղական խմբավորմանը: Դրանից անմիջապես հետո համապատասխան հայտարարություն է տարածել նաեւ Ռուսաստանի ներքին գործերի նախարարությունը: Փաստաթղթում նշվում է բանդիտային խմբավորումների ֆինանսավորման աղբյուրները բացահայտելուն ուղղված հաջող օպերացիայի մասին: Ռուսաստանի ՆԳՆ-ն հավաստում է, որ գրոհայինների հովանավորների հետքը տանում է Ադրբեջանի մայրաքաղաք: