Ինչպես եւ սպասվում էր, ԱՄՆ-ի նախագահ Ջորջ Բուշը, խոսելով անցյալ դարասկզբի իրադարձությունների մասին, հերթական անգամ խուսափեց «ցեղասպանություն» բառից: Հիշեցնենք, որ ապրիլի 24-ին ուղերձով հանդես գալը, որն ուղղված է օսմանյան կառավարության կազմակերպած հայերի կոտորածների զոհերի հիշատակի օրվան, կիրառության մեջ է դրվել կոնգրեսի որոշմամբ: Սակայն թուրքական իշխանությունների վարած քաղաքականության արդյունքը ոչ Ջորջ Բուշը, ոչ նրա նախորդները երբեւէ չեն որակավորել որպես ցեղասպանություն: