ԱՄՆ-ում Հայաստանի դեսպանատան աշխատակիցը, որը խնդրել է անունը չհայտնել, «Ազատություն» ռադիոկայանին տված հարցազրույցում հայտարարել է, որ օրերս հակահայկական հայտարարություններով ելույթ ունենալով` կոնգրեսական Դեն Բարթոնն իր ծառայության դիմաց Ադրբեջանի կառավարությունից քիչ գումար չի ստացել: Հիշեցնենք, որ փետրվարի 18-ին Ներկայացուցիչների պալատում Բարթոնը գործընկերներին կոչ արեց Խոջալուի դեպքերը գնահատեն որպես հայերի կողմից ադրբեջանցիների հանդեպ իրականացրած ցեղասպանություն: Ամերիկյան դիվանագետը տեղեկություններ ունի այն մասին, որ կոնգրեսականի ելույթից երկու շաբաթ առաջ Ադրբեջանի կառավարությունը վճարել է լոբբիստական կազմակերպությանը, որի հետ համագործակցում է Դեն Բարթոնը: