Ադրբեջանական «Day.az» ինտերնետային լրատվական հանգույցի տեղեկությամբ` Բավքի շուկաներում կրկին հայտնվել են հայկական արտադրության ապրանքներ: Ցանցային լրատվամիջոցը տեղեկացնում է, որ Բաքվում «ազատ կարելի է գնել «Արարատ» կոնյակ, «Ջերմուկ» հանքային ջուր, «Սիգարոն» հայկական ծխախոտներ եւ այլ ապրանքներ»: Աղբյուրը նշում է, որ «Հայաստանի եւ Ադրբեջանի միջեւ ոչ պաշտոնական առեւտրային հարաբերությունները երբեք էլ չեն դադարել»: Միաժամանակ շեշտում է, որ պետական կառույցներն ամեն ինչ անում են, որպեսզի կանխեն հայկական ապրանքի ներմուծումը: