Հունգարիայի Վերաքննիչ դատարանը ուժի մեջ է թողել Բուդապեշտի Քաղաքային դատարանի 2006 թվականի ապրիլի 13-ի որոշումը, ըստ որի ՀՀ զինված ուժերի սպա Գուրգեն Մարգարյանին սպանած ադրբեջանական բանակի սպա Ռամիլ Սաֆարովը դատապարտվել է ցմահ բանտարկության: Դատարանը, ինչպես եւ ակնկալվում էր, մերժել է ադրբեջանական կողմի բողոքը գործի վերանայման վերաբերյալ: Նշենք, որ Ռամիլ Սաֆարովի պաշտպանության համակարգող խորհուրդը մտադիր է դիմել Մարդու իրավունքների եվրոպական դատարան, թեեւ այնտեղ դիմելու համար ավելի շատ իրավունքներ ունի հայկական կողմը: