Կովկասում իրարանցում է բարձրացել, որի հնարավոր պատճառը Իրանն է, եւ, անուղղակիորեն, Ռուսաստանը: Վերջերս հաճախակի դարձած խոսակցությունները «նոր սառը պատերազմի» եւ մարտահրավերների մասին, որոնք ծառացել են ԱՄՆ առջեւ Իրաքում տապալված պատերազմի պատճառով, իրոք կարող են փոխել ուժերի հավասարակշռությունը ոչ միայն տարածաշրջանում, այլ նաեւ Եվրոպայում: ԱՄՆ-ի Կովկասում եւ Կենտրոնական Եվրոպայում ՌՏԿ տեղադրելու մտադրությունը հարմար առիթ հանդիսացավ ռուս զինվորականների եւ դիվանագետների հերթական բարձրագոչ հայտարարությունների համար: