Գրեթե անհնարին մի բան է տեղի ունեցել. շվեյցարական դատարանը, այնուամենայնիվ, դատապարտել է Թուրքիայի աշխատավորական կուսակցության առաջնորդ Դողու Փերինչեքին անհանդուրժողականության եւ Հայոց ցեղասպանության հերքման մասին հայտարարությունների համար: Լոզանի դատարանը դատապարտել է Փերինչեքին 90 օրվա պայմանական ազատազրկամ կամ հավասարազոր տույժի, ինչպես նաեւ երեք հազար ֆրանկ տուգանքի ($2,5 հազար): Նման հայտարարություն կրկնելու դեպքում Փերինչեքը կարող է բանտարկության ենթարկվել: