1921 թվականի մարտի 16-ին Մոսկվայում պայմանագիր է կնքվել Խորհրդային Ռուսաստանի եւ Թուրքիայի միջեւ, ըստ որի Հայաստանից Թուրքիային եւ Ադրբեջանին են հանձնվել երեք շրջան` Կարսը, Նախիջեւանն ու Սուրմալուն: «Թուրքիա հասկացության տակ ներկա դրությամբ ենթադրվում են այն տարածները, որոնք նշվել են 1336 (1920) թվականի հունվարի 28 Թուրքական ազգային պակտում, մշակված եւ հայտարարված Կոստանդուպոլսի Պատգամավորների Օսմանյան պալատի կողմից եւ հաղորդված մամուլին եւ բոլոր պետություններին»,- նշվում է համաձայնագրի ներածականում: