Թուրքիայի ընդդիմադիր Ժողովրդական-հանրապետական կուսակցությունը երկրի վարչապետ Ռեջեփ Էրդողանին մեղադրել է, որ նա պատրաստվում է «Մեծ Մերձավոր Արեւելք» պակտի շրջանակներում Էրզրում նահանգը հանձնել Հայաստանին: Դա իրոք սենսացիոն հայտարարություն է, եւ թուրքական ընդդիմության ներկայացուցիչները` Դենիզ Բայկալի գլխավորությամբ, կարող են դա խաղարկել նախընտրական արշավի ժամանակ, որը իր ավարտին է մոտենում: Ճիշտ է, մեղադրանքը մանրակրկիտ դիտարկման ժամանակ չի դիմանում որեւէ քննադատության, այնուամենայնիվ, պետք է խոստովանել, որ նա զրկված չէ հիմքերից: