Քաղաքականություն. Բաքուն ակտիվանում է պատերազմում...Դեռեւս տեղեկատվականԱշխարհում, եւ նույնիսկ բուն Ադրբեջանում, էլ չասած Հայաստանի մասին, այնքան են ընտելացել Բաքվի ստերին, որ եւս մեկ նոր պորտալը ոչինչ չի կարող փոխել 22 սեպտեմբերի 2007 Ադրբեջանական քարոզչական մեքենան ամեն կերպ գովազդում է նոր IREVAN կոչված վեբ-կայքը: Արդեն անվանումն իսկ ասում է այն մասին, որ Հայաստանի մայրաքաղաք Երեւանը հարեւան պետությունում անվանում են «Իրեւան», եւ, հետեւաբար, այն չի կարող հայկական լինել: Ինչպես Հայաստանը չկա ադրբեջանական պատմության դասագրքերում, այլ կա Արեւմտյան Ադրբեջան, որը «վաղ թե ուշ միավորվելու է հայրենիքի հետ»: Ամենահետաքրքիրն այն է, որ անվանումը տրվում է պարսկական մեկնաբանությամբ, սակայն նման մանրունքները Բաքվում վաղուց արդեն ոչ ոքի չեն հուզում: Այստեղ այլ բան է կարեւորվում` տարածել «ճշմարտությունը» Հայաստանի մասին Ինտերնետի միջոցով եւ, ինչն ամենակարեւորն է, երկու լեզուներով` հայերեն եւ ռուսերեն:  |
Արխիվ
