Վրաստանը կրկին տենդագին ցնցումների մեջ է եւ ակնհայտ է, որ այդ վիճակը կպահպանվի մինչ խորհրդարանական եւ նախագահական ընտրությունները, որ կայանալու են 2008 թվականի վերջում: Միխաիլ Սահակաշվիլու նախկին զինակցի «սկանդալային» բացահայտումները դժգոհության կատալիզատորի դեր կատարեցին բնակչության շրջանում, որը, չնայած Արեւմուտքի օգնությանը, շարունակում է նույնքան վատ ապրել, որքան Էդուարդ Շեւարնաձեի օրոք: «Ժողովրդավարության հենարանի» մասին խոսքերը ջերմացնում են հոգիները, սակայն չեն կերակրում: