ԵՄ-ն սկսում է հերթական աշխարհաքաղաքական նախագիծը` Nabucco գազամուղը, որը կոչված է, ըստ ԵՄ-ի եւ ԱՄՆ-ի, նվազեցնել կախվածությունը ռուսական գազից եւ ընդհանրապես Ռուսաստանից: Նախագիծն ինքնին հսկայական է` ընդհանուր երկարությունը շուրջ 3,3 հազար կմ, իսկ նրա առավելագույն թողունակությունը գնահատվում է 31 մլրդ խորանարդ մետր տարում: Գազի հնարավոր առաքիչների թվում են Ադրբեջանը, Ղազախստանը, Թուրքմենստանը, Իրանը, Եգիպտոսը եւ նույնիսկ Իրաքը: Ենթադրվում է, որ Nabucco-ն կանցնի Թուրքիա-Բուլղարիա-Ռումինիա-Հունգարիա-Ավստրիա երթուղով եւ նրա արժեքն է, ըստ համեստ հաշվարկների, նվազագույնը 4,6 մլրդ եվրո: