Ջորջ Բուշի վարչակազմը բարձրաձայնել է Հայաստանում ԱՄՆ դեսպանի պաշտոնի հավակնորդի անունը: Ինչպես գրում է Հարութ Սասունյանը «The California Courier»-ում, հավաստի հայկական եւ ամերիկյան աղբյուրներից հայտնի է դարձել, որ Երեւանում ԱՄՆ դիվանագիտական առաքելության ղեկավար կարող է դառնալ Ղրղզստանում Միացյալ Նահանգների ներկայիս դեսպան Մարիա Յովանովիչը: Այդպիսով, արվել է առաջին քայլը դիվանագիտական արարողակարգում: Հայաստանի համաձայնությունը ստանալուց հետո, նախագահ Բուշը պաշտոնապես կներկայացնի թեկնածությունը ԱՄՆ Սենատի արտաքին գործերի հանձնաժողովին, եւ ողջ Սենատի հավանությունը ստանալու դեպքում, դեսպանը կժամանի Երեւան: