Պետության տարածքային ամբողջականության սկզբունքը քանի գնում, դառնում է վերջին փաստարկը հետխորհրդային տարածքում ինքնահռչակված հանրապետությունների ճանաչման օրինաչափականության հարցի շուրջ վեճում: Նախկին ԽՍՀՄ-ի մինի-մետրոպոլիաները, բողոքարկելով համաշխարհային հանրությանը եւ գլխավոր խաղացողների միջեւ տարբեր մոտեցումներն ու հակասություններն օգտագործելով, ամեն գնով փորձում են ապացուցել իրենց իրավունքն այս կամ այն տարածքի նկատմամբ: Այդ փաստի գրանցման հարցում հատկապես համառ են Ադրբեջանն ու Վրաստանը: Կոսովոյի անջատվելուց հետո այդ հարցն ավելի ցավոտ է դարձել, քանի որ Հարավային Օսիան, Աբխազիան, Մերձդնեստրիան եւ Լեռնային Ղարաբաղը անկախության ճանաչման ոչ պակաս իրավունքներ եւ պահանջներ ունեն, քան կոսովյան ալբանացիները: