Ամերիկյան որոշ ԶԼՄ-ներ հաղորդել են, որ նախագահական ընտրություններից հետո Ջորջ Բուշը կարող է հայտարարել Իրանի հետ դիվանագիտական հարաբերությունները վերականգնելու մտադրության մասին` խզումից գրեթե 30 տարի անց: Եթե դա տեղի ունենա, ապա Բուշը, գոնե, հանդարտ եւ խաղաղ կհեռանա: Ավելին, նա վերջապես կստանա նրան այդքան անհրաժեշտ «խաղաղապահի» կերպարը: Դեռեւս վաղ ամռանը ԱՄՆ-ի վարչակազմը չէր ժխտում Իրանի միջուկային օբյեկտները ռմբակոծելու հնարավորությունը, որոնք ըստ հրեական լոբբիի սպառնում էին Իսրայելի պետությանը: