Համաշխարհայի ճգնաժամի ու նավթի գների անկման ֆոնի վրա նոյեմբերի 14-ին Բաքվում տեղի ունեցավ IV Էներգետիկ գագաթնաժողովը: Գագաթնաժողովը բավականին կարեւոր էր Հարավային Կովկասում «հնգօրյա պատերազմից» հետո փոխված պայմաններում, քանի որ հենց այդ պատերազմը ցույց տվեց Կասպից տարածաշրջանից դեպի Եվրոպա Վրաստանի ու Թուրքիայի տարածքով ածխաջրածինների անվտանգ տարանցման ողջ անհուսալիությունը: Վրաստանի ու Թուրքիայի տարածքով անցնող նավթամուղների անվտանգության խնդիրների մասին բազմիցս է խոսվել, սակայն, հավանաբար, իրոք պատերազմ էր պետք դա հասկանալու համար: