Ադրբեջանում տեղի ունեցած հանրաքվեն ավարտվեց համեստ, չափավոր ժողովրդավարական արդյունքով` ընտրողների 92,17 տոկոսը քվեարկեցին սահմանադրության 101 հոդվածի 5 կետը հանելու օգտին, որտեղ ասվում էր, որ «ոչ ոք չի կարող ընտրվել Ադրբեջանի Հանրապետության նախագահ անընդմեջ երկու ժակետից ավելի»: Քվեարկությանը մասնակցել է 3 մլն 478 հազար 571 մարդ, կամ Ադրբեջանի 4,9 մլն ընտրողների 71,08 տոկոսը:

Համաշխարհային ֆինանսական ճգնաժամի ազդեցությունը ընդհանրապես Հայաստանի տնտեսության եւ քաղաքացիների սոցիալական վիճակի վրա արդեն զգալի է, հատկապես, բնակչության զբաղվածության հարցում: Այսօր արդեն աշխատանքի տեղավորման մի շարք առաջատար գործակալություններ արդեն սկսել են ահազանգել. աճող պահանջարկին զուգընթաց աշխատանքային շուկայում նկատվում է առաջարկի գրեթե կրկնակի կրճատում:

2008թ. դարձավ Հարավային Կովկասի վերաձեւման տարի: Հարավային Օսեթիայի դեմ Վրաստանի սանձազերծած «հնգօրյա պատերազմից» հետո պարզ դարձավ, որ տարածաշրջանում նոր բաժանարար գծեր են նախանշվում: Հավանաբար, ինքն էլ չցանկանալով դա, Վրաստանի նախագահը «թագավորական» նվեր մատուցեց ՌԴ-ին, որը վաղուց էր հարմար առիթի սպասում ԱՄՆ-ից ռեվանշ վերցնելու համար` Կովկասի հակամարտությունների հանգուցալուծման մեջ չափազանց խորը ներթափանցման համար: Արդյունքում ավելի մեծ խառնաշփոթ ստացվեց, որտեղ նույնիսկ «ամենահմուտ» պետությունները չկարողացան որեւէ բան որսալ: