Տեղական ինքնակառավարման մարմինների ընտրությունները Թուրքիայում, որոնց հետ մեծ հույսեր էր կապում Արդարության ու զարգացման կուսակցությունը (ԱԶԿ) եւ նրա առաջնորդ, վարչապետ Ռեջեփ Թաիփ Էրդողանը, չէինք ասի, թե պարտությամբ ավարտվեցին, սակայն գրանցվեց ոչ այն արդյունքը, որը ցանկանում էին իսլամիստները; Ընտրությունները երեւակեցին այն խնդիրները, որոնք ԱԶԿ-ն փորձում էր ուժով կամ դատարկ կարգախոսներով ու խոստումներով լուծել: Ընտրությունները նաեւ հաստատեցին, որ չնայած հետապնդումներին ու ձերբակալություններին, քեմալականներն եւ առաջին հերթին բանակը շարունակում են պահպանել իրենց դիրքերը թուրքական հասարակությունում:

Համաշխարհային ֆինանսական ճգնաժամի ազդեցությունը ընդհանրապես Հայաստանի տնտեսության եւ քաղաքացիների սոցիալական վիճակի վրա արդեն զգալի է, հատկապես, բնակչության զբաղվածության հարցում: Այսօր արդեն աշխատանքի տեղավորման մի շարք առաջատար գործակալություններ արդեն սկսել են ահազանգել. աճող պահանջարկին զուգընթաց աշխատանքային շուկայում նկատվում է առաջարկի գրեթե կրկնակի կրճատում:

2008թ. դարձավ Հարավային Կովկասի վերաձեւման տարի: Հարավային Օսեթիայի դեմ Վրաստանի սանձազերծած «հնգօրյա պատերազմից» հետո պարզ դարձավ, որ տարածաշրջանում նոր բաժանարար գծեր են նախանշվում: Հավանաբար, ինքն էլ չցանկանալով դա, Վրաստանի նախագահը «թագավորական» նվեր մատուցեց ՌԴ-ին, որը վաղուց էր հարմար առիթի սպասում ԱՄՆ-ից ռեվանշ վերցնելու համար` Կովկասի հակամարտությունների հանգուցալուծման մեջ չափազանց խորը ներթափանցման համար: Արդյունքում ավելի մեծ խառնաշփոթ ստացվեց, որտեղ նույնիսկ «ամենահմուտ» պետությունները չկարողացան որեւէ բան որսալ: